আইভেটিত হিতাধিকাৰীক অনুমোদন পত্ৰ বিতৰণ বিধায়ক ৰূপক শৰ্মাৰ

ডিজিটেল সংবাদ, বটদ্ৰৱা:   নগাঁও বটদ্ৰৱা সমষ্টিৰ অন্তৰ্গত আইভেটি গাঁও পঞ্চায়তৰ কাৰ্যালয়ত অনুষ্ঠিত এক কাৰ্যসূচীত আজি ১০৬ গৰাকী হিতাধিকাৰীক প্ৰধানমন্ত্ৰী আৱাস যোজনা(PMAY-G)ৰ অনুমোদন পত্ৰ প্ৰদান কৰা হয়।

অসম ৰাজ্যিক জীৱিকা অভিযানৰ অন্তৰ্গত আত্মসহায়ক গোটৰ মহিলা সকলক ৫ লাখ ৯ হাজাৰ ৪০০ টকাৰ ঋণ প্ৰদান কৰা হয়।

উক্ত অনুষ্ঠানত অংশ লৈ বিধায়ক ৰূপক শৰ্মাই কয় যে, "আশাকৰো প্ৰধানমন্ত্ৰী আৱাস যোজনা(PMAY-G) ৰ অনুমোদনৰ জৰিয়তে সমাজৰ আৰ্থিকভাৱে দুৰ্বল লোক সকলে তেওঁলোকৰ সপোনৰ বাসগৃহটো নিৰ্মাণ কৰাৰ ক্ষেত্ৰত উপকৃত হ'ব পাৰিব। 

ইয়াৰোপৰি এই অনুমোদনৰ জৰিয়তে আত্মসহায়ক গোটৰ মহিলা সকলেও লাভ কৰা ঋণৰ জৰিয়তে উপকৃত হ'ব পাৰিব। আজিৰ অনুষ্ঠানত জিলা প্ৰশাসন, উন্নয়ন খণ্ডৰ বিষয়ববীয়া আৰু স্থানীয় ৰাইজ উপস্থিত থাকে।