ডিজিটেল সংবাদ নগাঁও: নগাঁৱৰ বৰভেটিত ভয়ংকৰ পথ দুৰ্ঘটনা । দুৰ্ঘটনাত এজন ছাত্ৰৰ মৃত্যু হোৱাৰ লগতে গুৰুতৰভাবে আহত হ’ল আন এজন ছাত্ৰ ৷
নিহত ছাত্ৰজনৰ নাম গোপাল শইকীয়া বুলি জানিব পৰা গৈছে ৷ গোলাপ শইকীয়াৰ ঘৰ ফুলগুৰিত ৷ আনজন আহত ছাত্ৰৰ নাম হৈছে মানবেন্দ্ৰ নাথ ৷
বেবেজীয়াৰ জামুগুৰিৰ মানবেন্দ্ৰ নাথ নামৰ গুৰুতৰভাবে আহত ছাত্ৰ জনক উন্নত চিকিৎসাৰ বাবে প্ৰেৰণ কৰিছে গুৱাহাটীলৈ ৷
নগাঁৱৰ কলং কপিলী জুনিয়ৰ কলেজৰ ছাত্ৰ আছিল দুয়োজন ৷ কলেজত ক্লাছ কৰি মটৰচাইকেলেৰে ঘৰলৈ গৈ থকা অৱস্থাত বৰভেটিত ই-ৰিক্সা আৰু এখন ঠেলাত খুন্দা মৰাৰ ফলতে সংঘটিত হয় এই শোকাৱহ দুৰ্ঘটনাটো ৷
