ৰৌতাৰ লালপুলত ভয়ংকৰ পথ দুৰ্ঘটনা

ডিজিটেল সংবাদ,ওৰাং : ওদালগুৰি জিলাৰ ৰৌতাত সংঘটিত হৈছে ভয়ংকৰ পথ দুৰ্ঘটনা। বাইক আৰু ট্ৰেভেলাৰ বাছৰ মুখামুখি সংঘৰ্ষত থিতাতে নিহত হয় এজন লোক।

ইয়াৰোপৰি গুৰুতৰভাৱে আহত হয় এজন লোক। জানিব পৰা মতে গুৱাহাটীৰ পৰা তেজপুৰ অভিমুখী AS 12 DC 5805 ট্ৰেভেলাৰ আৰু ৰৌতাৰ পৰা লালপুলঅভিমুখী AS 13S 0373  পালছাৰৰ মাজত সংঘৰ্ষ হয়।

ফলত বাইক আৰোহী তথা আমিনপাৰা গাঁৱৰ আছৱ আলী থিতাতে নিহত হয়। আহত আন এজনৰ অৱস্থা অতি সংকটজনক।

উল্লেখযোগ্য যে সংকটজনক অৱস্থাত আৰক্ষী আৰু স্থানীয় ৰাইজৰ সহযোগত উন্নত চিকিৎসাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰে যদিও এজনৰ মৃত্যু হোৱা বুলি জানিব পৰা গৈছে ৷