ভয়ংকৰ ঘটনাঃ চাইকেলেৰে ঘৰলৈ গৈ থকা একে পৰিয়ালৰ ৫ সদস্যৰ ওপৰেদি চলিল মালবাহী বাহন...

ডিজিটেল ডেস্কঃ আন এক ভয়ংকৰ পথ দুৰ্ঘটনা সংঘটিত হৈছে কোকৰাঝাৰত। জিলাখনৰ চি আই টিৰ ওচৰত সংঘটিত হোৱা এই পথ দুৰ্ঘটনাত এগৰাকী মহিলাৰ থিতাতে নিহত হৈছে।

উল্লেখ্য যে, এখন টাটা এ চি ই মালবাহী বাহন চাইকেলেৰ গৈ থকা এটা পৰিয়ালৰ দেহৰ ওপৰেদি পাৰ হৈ যায়। পৰিয়ালটোৰ ৫ গৰাকী সদস্যই দুখন চাইকেলেৰৈ ঘৰলৈ গৈ আছিল।

মালবাহী বাহনখনে পৰিয়ালটোক পিছফালৰ পৰা খুন্দা মৰাত হাহাকাৰময় পৰিৱেশৰ সূচনা হৈছে। ইফালে এই দুৰ্ঘটনাত মাতৃগৰাকীৰ থিতাতে মৃত্যু হৈছে। মৃত্যু হোৱা মহিলাগৰাকীৰ নাম ৰম্ভা নাথ (৪০)। আনহাতে দুৰ্ঘটনাত অতি গুৰুতৰ ভাৱে আহত হৈছে পিতৃ, পুত্ৰ আৰু কন্যা। আহতৰ ভিতৰত আছে তিনিবছৰীয়া নাতিনী তৰা নাথ।

এই দুৰ্ঘটনা সংঘটিত কৰা মালবাহী বাহনখনৰ নম্বৰ এ এছ ১৯, এ চি ২৮৬৬। ঘটনাৰ পিছতে আৰক্ষীয়ে চালক আৰু সহযোগীলোকজনক আটক কৰিছে। ঘটনাক কেন্দ্ৰ কৰি অঞ্চলটোত উত্তেজনাৰো সৃষ্টি হৈছে।