গোলকগঞ্জত ভয়ংকৰ পথ দুৰ্ঘটনাঃ খাৱৈত সোমাল যাত্ৰীবাহী বাছ...

ডিজিটেল ডেস্কঃ এক ভয়ংকৰ পথ দুৰ্ঘটনা সংঘটিত হৈছে গোলকগঞ্জৰ গড়েৰহাটত। এজন বাইক আৰোহীক বচাবলৈ গৈ খাৱৈত সোমাল যাত্ৰীবাহী এখন বাছন।

এই দুৰ্ঘটনাত অতি কমেও বাছখনৰ ২৫ জন লোক আহত হৈছে। আহতসকলৰ ভিতৰত কেইবাজনো লোকৰ অৱস্থা গুৰুতৰ বুলি জানিব পৰা গৈছে। উল্লেখ্য যে দুৰ্ঘটনাত পতিত হোৱা বাছখন কোচবিহাৰৰ পৰা ধুবুৰী অভিমুখে আহি আছিল।

বাছখনত অতি কমেও আছিল ৫০ জন যাত্ৰী। আহত যাত্ৰীসকলক ততাতৈয়াকৈ হালাকুৰা চিকিৎসালয়ত ভৰ্তি কৰোৱা হৈছে। আনহাতে ঘটনাস্থলীত উপস্থিত হৈ দুৰ্ঘটনাগ্ৰস্ত বাছখন উদ্ধাৰ কৰিছে।