বাক্সাত ভয়ংকৰ পথ দুৰ্ঘটনা: নিহত সেনা জোৱান

বাক্সাৰ শালবাৰীৰ সৰুগাতি গাঁৱত শনিবাৰে নিশা ভয়ংকৰ পথ দুৰ্ঘটনা সংধটিত হৈছে।

দুৰ্ঘটনাত এগৰাকী ভাৰতীয় সেনাবাহিনীৰ জোৱান নিহত হয়।

ভৱানীপুৰ-মানাহ সংযোগী পথৰ দাঁতিত বাইকখনৰ সৈতে পৰি আছিল জোৱান গৰাকী।

পুৱাহে স্থানীয় ৰাইজে প্ৰতক্ষ্য কৰে জোৱানগৰাকীক।

মৃত ভাৰতীয় জোৱান গৰাকীৰ নাম গোপী সূত্ৰধৰ(২৮) বুলি জানিব পৰা গৈছে।

ইতিমধ্যে ঘটনাস্থলীত বাঁহবাৰী আৰক্ষী উপস্থিত হৈ মৃতদেহটো উদ্ধাৰ কৰে।

দুৰ্ঘটনাত পতিত বুলেট বাইকখনৰ নম্বৰ হ'ল- AS 12 AA 8498।

ভাৰতীয় সেনাবাহিনীৰ অসম ৰেজিমেণ্টৰ ১৬৬নম্বৰ বেটেলিয়নৰ জোৱান গৰাকী ডিব্ৰুগড়ত কৰ্মৰত আছিল।