গোলাঘাটৰ গুৰুকুল গ্লৱেল একাডেমীত ৰঙালী বিহুৰ কাৰ্যসূচী উদযাপন

ডিজিটেল সংবাদ, গোলাঘাট : ব'হাগ মাহটোৱেই অসমীয়াৰ বিহু পালনৰ সময় ৷ সাতবিহু পাৰ হ’ল যদিও প্ৰতি বৰ্ষৰ দৰে এইবাৰো গোলাঘাটৰ দ’গাঁওস্থিত গোলাঘাট গুৰুকুল গ্ল’ৱেল একাডেমীত শনিবাৰে দিনজোৰা কায্যসূচীৰে অসমীয়াৰ প্ৰাণৰো প্ৰাণ ৰঙালী বিহুটি উদযাপন কৰা হয় ৷

এই উদ্দেশ্যে পুৱা বিদ্যালয়ৰ শিক্ষয়িত্ৰীদ্বয় প্ৰজ্ঞাশ্ৰী পূজাৰী আৰু চয়নিকা বৰুৱাই আঁত ধৰা অনুষ্ঠানত বিদ্যালয়ৰ সঞ্চালক সঞ্জয় টোডী আৰু অধ্যক্ষ গৌতম বৰাক এখনি বিহুৱান যাচি সন্মান জনোৱা হয় ৷ আদৰণী ভাষণত দুয়োগৰাকীয়ে ছাত্ৰ-ছাত্ৰীসকলক উদ্দেশ্যি কয় “পৰম্পৰা আৰু সাংস্কৃতিক ৰক্ষাকৰাৰ দায়িত্বত তোমালোকৰ ওপৰতেই আছে ।”

ইয়াৰ পিছতে বিহুৰ হুঁচৰি, বিভিন্ন জাতি জনগোষ্ঠীৰ বাৰেৰহণীয়া নৃত্যকে ধৰি বিভিন্ন কায্যসূচীত বিদ্যালয়ৰ কতৃপক্ষ তথা ছাত্ৰ-ছাত্ৰী আৰু অভিভাৱকসকলে অংশগ্ৰহণ কৰি এক উৎসৱমুখৰ পৰিবেশৰ সৃষ্টি কৰে ৷