এশ শতাংশ উত্তীৰ্ণৰে উজলিল ৰঙাচকুৱা উচ্চতৰ মাধ্যমিক বিদ্যালয়

ডিজিটেল সংবাদ, জামুগুৰিহাট : বুধবাৰে ঘোষণা কৰা উচ্চতৰ মাধ্যমিক বিদ্যালয়ৰ চূড়ান্ত পৰীক্ষাৰ ফলাফলত পূৰ্বৰ ধাৰা অব্যাহত ৰাখি এইবাৰো এশ শতাংশ উত্তীৰ্ণৰে উজলি উঠিছে জামুগুৰিহাটৰ ৰঙাচকুৱা উচ্চতৰ মাধ্যমিক বিদ্যালয় । অতিকৈ পিছপৰা অঞ্চলটিৰ দুখীয়া ছাত্ৰ -ছাত্ৰীয়ে অধ্যয়ন কৰা বিদ্যালয়খনিৰ এনে ঈৰ্ষণীয় ফলাফলক লৈ স্বাভাৱিকতেই উৎফুল্লিত হৈ পৰিছে শিক্ষক -শিক্ষয়িত্ৰী তথা ছাত্ৰ- ছাত্ৰীৰ লগতে অভিভাৱকসকল ।  

উল্লেখযোগ্য যে, বিদ্যালয়খনিৰ আন্তঃগাঁথনি উন্নয়ন আৰু শিক্ষক- শিক্ষয়িত্ৰীৰ অভাৱ পূৰণ হ’লে ইয়াতকৈ আৰু অধিক উন্নত ফলাফল আশা কৰিব পাৰিলেহেঁতেন বুলি জানিবলৈ দিয়ে। ৰঙাচকুৱা উচ্চতৰ মাধ্যমিক বিদ্যালয়ৰ মুঠ ১৯০গৰাকী ছাত্ৰ -ছাত্ৰীৰ ভিতৰত আটাইকেইগৰাকীয়েই সফলতাৰে উত্তীৰ্ণ হৈ অঞ্চললৈ গৌৰৱ কঢ়িয়াই আনিছে৷ ইয়াৰ মাজৰে ৭ গৰাকীয়ে ৰাজনীতি বিজ্ঞান বিষয়ত লেটাৰ নম্বৰ লাভ কৰিছে।