অস্ত্ৰ-শস্ত্ৰ লৈ ৰকিবুল হুছেইনৰ বাসগৃহত দুৰ্বৃত্তৰ আক্ৰমণ...

ডিজিটেল ডেস্কঃ উপ নিৰ্বাচনৰ ভোটগ্ৰহণ অনুষ্ঠিত হোৱাৰ আগনিশা অৰ্থাত মঙলবাৰে নিশা ৰকিবুল হুছেইনৰ নগাঁওস্থিত বাসগৃহত দুৰ্বৃত্তৰ আক্ৰমণৰ ঘটনা সংঘটিত হৈছে। ৰকিবুল হুছেইনে কৰা অভিযোগ অনুসৰি, অস্ত্ৰ শস্ত্ৰৰে সুসজ্জিত এটা দলে অশ্লীল গালি গালাজ কৰি আক্ৰমণ কৰে সাংসদ গৰাকীৰ বাসগৃহত৷

এই ঘটনাৰ পৰিপ্ৰেক্ষিতত সাংসদগৰাকী উপস্থিত হয় নগাঁও সদৰ আৰক্ষী নিৱেশত আৰু সমগ্ৰ ঘটনা সন্দৰ্ভত দাখিল কৰে এজাহাৰ ৷ উল্লেখ্য যে যোৱা নিশাৰ এই সমগ্ৰ ঘটনা বন্দী হয় কেমেৰাত ৷ সাংসদগৰাকীয়ে এই সমগ্ৰ ঘটনাৰ চি চি টিভিৰ ফুটেজ প্ৰদান কৰিছে আৰক্ষীক।