ৰঙিয়াত সদৌ অসম কলিতা আলপাইন জনগোষ্ঠী সন্মিলনৰ অধিৱেশনক লৈ সংবাদ মেল..

ডিজিটেল সংবাদ,ৰঙিয়াঃ ৰঙিয়াৰ তৰণীস্থিত ৰজা আৰিমত্ত ক্ষেত্ৰত অহা ২১ মাৰ্চৰ পৰা তিনিদিনীয়াকৈ অনুষ্ঠিত হ’ব সদৌ অসম কলিতা আলপাইন জনগোষ্ঠী সন্মিলনৰ ষষ্ঠদশ দ্বি বাৰ্ষিক অধিৱেশন ।  

স্থানীয় বিধায়ক তথা ৰাজ্যিক বিজেপিৰ সভাপতি ভৱেশ কলিতাক সভাপতি,লৱধৰ কলিতাক কাৰ্যকৰী সভাপতি,ৰাজেন কলিতাক সাধাৰণ সম্পাদক হিচাপে লৈ গঠিত আদৰণি সমিতিৰ যাৱতীয় প্ৰস্তুতি আৰম্ভ । অহা ২১ মাৰ্চৰ পৰা তিনিদিনীয়াকৈ তৰণী হৰিমন্দিৰ প্ৰাংগণত অনুষ্ঠিত হ’ব কেন্দ্ৰীয় অধিৱেশন । 

অধিৱেশন উপলক্ষে দেওবাৰে মুখ্য কাৰ্যালয়ত এক সংবাদ মেল সম্বোধন কৰে আদৰণি সমিতিৰ কাৰ্যকৰী সভাপতি লৱধৰ কলিতা আৰু সাধাৰণ সম্পাদক ৰাজেন কলিতাই । সংগঠনটোৰ কেন্দ্ৰীয় সমিতিৰ সভাপতি ডাঃৰমেন কুমাৰ কাকতীয়েও সংবাদ মেলত অংশগ্ৰহণ কৰি সংগঠনটোৰ লক্ষ্য আৰু উদ্দেশ্যৰ লগতে দীৰ্ঘদিনীয়া দাবী সন্দৰ্ভতো আলোকপাত কৰে ।