ধুবুৰীত ৰাষ্ট্ৰীয় প্ৰেছ দিৱস পালন...

ডিজিটেল সংবাদ, ধুবুৰীঃ   আজি ৰাষ্ট্ৰীয় প্ৰেছ দিৱস। ধুবুৰী প্ৰেছ ক্লাৱৰ উদ্যোগত আজি দিনযোৰা কাৰ্যসূচীৰে প্ৰেছ দিৱসৰ আয়োজন কৰা হৈছে। পুৱা ধুবুৰী প্ৰেছ ক্লাৱত পতাকা উত্তোলন কৰে সভাপতি ৰাজীৱ শৰ্মাই।

প্ৰয়াত সাংবাদিক সকলক শ্ৰদ্ধাঞ্জলি জ্ঞাপন কৰাৰ লগতে ধুবুৰী ৰাজীৱ গান্ধী শিশু উদ্যানত বৃক্ষ ৰোপণ কৰে আঞ্চলিক বন বিষয়া ছফিকুৰ ৰহমানে। আজি দিনযোৰা কাৰ্যসূচীৰ লগতে সন্ধিয়া বৰ্ণাঢ্য সাংস্কৃতিক অনুষ্ঠান, বিভিন্ন জাতি জনগোষ্ঠীৰ নৃত্য-গীতৰ অনুষ্ঠান থকা বুলি জানিব পৰা গৈছে।

আজিৰ অনুষ্ঠানত ধুবুৰী প্ৰেছ ক্লাৱৰ তৰফৰ পৰা জ্যেষ্ঠ সাংবাদিক প্ৰণয় বৰদলৈক সম্বৰ্ধনা জ্ঞাপন কৰা হ'ব। ইয়াৰোপৰি এই মঞ্চতেই শিল্পী জুবিন গাৰ্গক মহাবহু ব্ৰহ্মপুত্ৰ বঁটা,সমাজ সেৱক বিজয় কুমাৰ জৈনক নেতাই ধুবুনি বঁটা প্ৰদান কৰা হ'ব।

উল্লেখ্য যে, আজি চলচ্চিত্ৰ পৰিচালক নিৰ্দেশক ড০ ববী শৰ্মা বৰুৱালৈ গদাধৰ বঁটা প্ৰদান কৰা হ'ব। সুলক্ষনা বৰুৱাৰ লগতে মুঠ ১৬ জনকৈ ব্যক্তিক ধুবুৰী গৌৰৱ বঁটাৰে সন্মানিত কৰা হ'ব।