ট্ৰাম্পৰ লগতে বহু নেতাক চেৰাই বিশ্বৰ সৰ্বাধিক জনপ্ৰিয় নেতাৰ তালিকাৰ শীৰ্ষত প্ৰধানমন্ত্ৰী নৰেন্দ্ৰ মোডী...

ডিজিটেল ডেস্কঃ বিশ্বৰ সবাতোকৈ জনপ্ৰিয় নেতা হিচাপে বিবেচিত হৈছে দেশৰ প্ৰধানমন্ত্ৰী নৰেন্দ্ৰ মোডী। শেহতীয়াকৈ আমেৰিকান সংস্থা Morning Consultএ চলোৱা এক সমীক্ষাত প্ৰকাশ পাইছে এই তথ্য। এই তালিকাত প্ৰথম স্থানত নৰেন্দ্ৰ মোডীৰ নাম সন্নিৱিষ্ট হোৱাৰ বিপৰীতে অষ্টম স্থানলৈ অৱনমিত হৈছে মাৰ্কিন ৰাষ্ট্ৰপতি ডনাল্ড ট্ৰাম্পৰ নাম।

যোৱা ৪জুলাইৰ পৰা ১০জুলাইৰ ভিতৰত সম্পন্ন হৈছিল এই সমীক্ষা। বিশ্বৰ ২০খন দেশৰ নেতাক সাঙুৰি লোৱা হৈছিল এই সমীক্ষাত। এই সমীক্ষাত ৭৫শতাংশ লোকে মোডীক এগৰাকী সৰ্বগুণসম্পন্ন নেতা বুলি বিবেচনা কৰিছে। এই তালিকাত দ্বিতীয় স্থান লাভ কৰিছে দক্ষিণ কোৰিয়াৰ ৰাষ্ট্ৰপতিগৰাকীয়ে।

তৃতীয় স্থানত আছে আৰ্জেন্টিনাৰ ৰাষ্ট্ৰপতি। এই তালিকাৰ শেষৰ স্থানত আছে ফান্সৰ ৰাষ্ট্ৰপতিগৰাকীৰ নাম।