‘মন কী বাত’ত কাজিৰঙাৰ প্ৰসংগ, প্ৰধানমন্ত্ৰীক কৃতজ্ঞতা ৰাজ্যিক বিজেপিৰ

ডিজিটেল সংবাদ, গুৱাহাটীঃ দেওবাৰে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক "মন কী বাত”ত অনুষ্ঠানত সম্বোধন কৰে। ‘মন কি বাত’ৰ ১২৪ সংখ্যক খণ্ডত প্ৰধানমন্ত্ৰীগৰাকীয়ে অসমৰ কাজিৰঙা ৰাষ্ট্ৰীয় উদ্যানৰ যুগান্তকাৰী জৈৱ বৈচিত্ৰ্যৰ পদক্ষেপক প্ৰশংসা কৰে, য’ত চৰাইবোৰক দৃষ্টিৰ দ্বাৰা নহয়, শব্দৰ দ্বাৰা চিনাক্ত কৰা হৈছিল।

অতুল্য কাজিৰঙাৰ অপৰূপ সৌন্দৰ্যৰ কথা বৰ্ণনা কৰি বিভিন্ন প্ৰজাতিৰ চৰাইৰ বাসস্থান সম্পর্কে উল্লেখ কৰাৰ লগতে ইয়াৰ প্রাকৃতিক সৌন্দৰ্যৰ বিষয়ে ৰাষ্ট্ৰজুৰি প্ৰচাৰ কৰাৰ বাবে প্রধানমন্ত্রীক ভাৰতীয় জনতা পার্টি, অসম প্ৰদেশৰ তৰফৰ পৰা অযুত কৃতজ্ঞতা জ্ঞাপন কৰা হয়। আজি ৰাজ্যৰ ৩৯ খন সাংগঠনিক জিলাৰ ৪৩৩ টা মণ্ডলৰ অন্তৰ্গত মুঠ ২৯,৫৬৫ টা বুথৰ ভিতৰত ২৫ হাজাৰতকৈও অধিক বুথত কেইবা লাখ দলীয় কার্যকর্তাই "মন কী বাত" শ্রৱণ কবে।

ভাৰতীয় জনতা পার্টী, অসম প্ৰদেশৰ ৰাজ্যিক কার্যালয় অটল বিহাৰী বাজপেয়ী ভৱনৰ পৰা সংবাদ মাধ্যমলৈ প্ৰেৰণ কৰা এক প্ৰেছ বিবৃতি অনুসৰি, মুখ্যমন্ত্রী ড০ হিমন্ত বিশ্ব শৰ্মা, ৰাজ্যিক সভাপতি দিলীপ শইকীয়া, কেন্দ্রীয় মন্ত্রী সর্বানন্দ সোনোৱাল, অসম চৰকাৰৰ সকলো মন্ত্রী, বিজেপি দলৰ সাংসদ, বিধায়ক, ৰাজ্যিক আৰু জিলা বিষয়ববীয়া তথা সকলো প্রৱাসী কার্যকর্তা সকলে দলে নির্ধাৰণ কৰি দিয়া বুথত "মন কী বাত” অনুষ্ঠান শুনে। ৰাজ্যিক সভাপতি দিলীপ শইকীয়াই দক্ষিণ কামৰূপ জিলাৰ পলাশবাৰী বিধানসভা সমষ্টিৰ অন্তৰ্গত পলাশবাৰী গ্রাম্য মণ্ডলৰ ১৫৪ নং বুথত স্থানীয় ৰাইজৰ সৈতে "মন কি বাত" শ্ৰৱন কৰে।

উল্লেখযোগ্য যে, বিটিআৰৰ অন্তৰ্গ পাঁচখন সাংগঠনিক জিলাত থকা সকলো বুথতে ব্যাপক উৎসাহ উদ্দীপনাৰ মাজেৰে "মন কী বাত' কার্যকর্তাসকলে শ্রৱন কৰে। বিটিআৰৰ প্ৰতিটো বুথতে অতি কমেও ২০০ জনকৈ লোক "মন কী বাত" শুনিবলৈ উপস্থিত আছিল বুলি ৰাজ্যিক বিজেপিৰ বিবৃতিত উল্লেখ কৰা হয়।