ভাৰতত বাঢ়িছে পে'ট্ৰল-ডিজেলৰ লগতে বিমান ইন্ধনৰ বিক্ৰী...

ডিজিটেল ডেস্কঃ ভাৰতত অতিপাত গতিত বাঢ়িছে পেট্ৰল-ডিজেলৰ বিক্ৰী। কেন্দ্ৰীয় চৰকাৰে শেহতীয়াকৈ দাখিল কৰা এক প্ৰতিবেদনত পোহৰলৈ আহিছে এই তথ্য। পেট্ৰলিয়াম প্লেনিং এণ্ড এনালাইছিছ চেল (পিপিএচি)ৰ তথ্য অনুসৰি, ২০২৪ চনৰ নৱেম্বৰ মাহত ভাৰতৰ ইন্ধনৰ ব্যৱহাৰ শক্তিশালীভাৱে বৃদ্ধি পাইছে।

নৱেম্বৰ মাহত পেট্ৰ’লৰ বিক্ৰী ৯.২% বৃদ্ধি পাই ৩,৪১৮ হাজাৰ মেট্ৰিক টন (টিএমটি) হৈছে। দেশৰ সৰ্বাধিক ব্যৱহৃত ইন্ধন ডিজেলৰ বিক্ৰীও যথেষ্ট বৃদ্ধি পাই ৮.৪%  হৈ ৮,১৫৮ টিএমটি হৈছে। আনফালে, বিমান টাৰ্বাইন ইন্ধন (এ টি এফ) খণ্ডই ৭.৭% বৃদ্ধিৰে ৭৪৩ টি এম টি হৈছেগৈ। ঘৰুৱা খাদ্য তৰলীকৃত পেট্ৰলিয়াম গেছ (এল পি জি)ৰ চাহিদা ৭.৩% বৃদ্ধি হৈ হৈছে মুঠ ২,৭৬৫ টি এম টি।

উল্লেখ কৰিব লাগিব যে,   ২০২৩ চনৰ নৱেম্বৰৰ তুলনাত সকলো মূল পেট্ৰলিয়াম সামগ্ৰীৰ বিক্ৰী বৃদ্ধি হৈছে। ২০২২ চনৰ নৱেম্বৰৰ তুলনাত পেট্ৰ’লৰ ব্যৱহাৰ ১৯.৫% বৃদ্ধি পোৱাৰ বিপৰীতে ডিজেলৰ ব্যৱহাৰ ৫.১% বৃদ্ধি পাইছে।

আনফালে ২০২২ চনৰ নৱেম্বৰৰ তুলনাত এল পি জি ছেগমেণ্ট ৬.৩% শতাংশ বৃদ্ধি পাইছে। মহামাৰীৰ পূৰ্বৰ সময়ছোৱাত পেট্ৰল আৰু ডিজেলেও ক্ৰমে ৩৪.৮৩% (CAGR: ৬.১৬%) আৰু ৭.৮৩% (CAGR: ১.৫২%) বৃদ্ধিৰে শক্তিশালী বৃদ্ধি লাভ কৰিছে।