দিকৰাইত চাইকেল ষ্টেণ্ডৰ আধাৰশিলা স্থাপন পদ্ম হাজৰিকাৰ

ডিজিটেল সংবাদ,দিকৰাইঃ  নদুৱাৰ সমষ্টিৰ অন্তৰ্গত ইটাখোলাস্থিত দিকৰাই উচ্চতৰ মাধ্যমিক বিদ্যালয়ত এটা চাইকেল ষ্টেণ্ডৰ নিৰ্মাণ কাৰ্য্যৰ শুভাৰম্ভ কৰে আধাৰশিলা স্থাপন কৰে সমষ্টিটোৰ বিধায়ক পদ্ম হাজৰিকাই।

উল্লেখ্য যে, সাংসদ পুঁজিৰ ৫ লাখ টকা ব্যয় সাপেক্ষে বিদ্যালয়খনৰ ছাত্ৰ-ছাত্ৰী সকলৰ সুবিধাৰ্থে চাইকেল ষ্টেণ্ডটো নিৰ্মাণ কৰাৰ সিদ্ধান্ত লৈছে পদ্ম হাজৰিকাই। আধাৰশিলা অনুষ্ঠানটিত অংশগ্ৰহণ কৰে যুৱ লেখক সাহিত্যক প্ৰাক্তন সাংবাদিক তথা আঞ্চলিক পঞ্চায়তৰ প্ৰাক্তন সভাপতি লক্ষী কান্ত বৰাই।

লগতে অংশ লয় দিকৰাই উচ্চতৰ মাধ্যমিক বিদ্যালয়ৰ অধ্যক্ষ সিদ্ধাৰ্থ পাল,আটছাৰ নদুৱাৰ শাখাৰ সভাপতি ৰাধেশ্যাম তাতী, যুৱ নেতা অনিল বৰাকে ধৰি বিশিষ্ট ব্যক্তি সকলে ৷ ইয়াৰ পিছতে বিধায়ক গৰাকীয়ে বিদ্যালয়ৰ খেলপথাৰত উত্তৰ নাগশংকৰ গাঁও পঞ্চায়ত পৰ্যায়ত অনুষ্ঠিত খেল মহাৰণৰ কাৰ্য্যসূচীতো অংশগ্ৰহণ কৰি খেলুৱৈ সকলক উৎসাহিত কৰে ৷