PMAY-Uৰ অধীনত নতুন ঘৰ পালে দেশৰ ৮৮লক্ষাধিক লোকে...

ডিজিটেল ডেস্কঃপ্ৰধানমন্ত্ৰী আৱাস যোজনা (নগৰীয়া) ৰ অধীনত ৮৮ লাখৰো অধিক ঘৰ হিতাধিকাৰীক যোগান ধৰা হৈছে বুলি  ৰাজ্যসভাত অৱগত কৰে কেন্দ্ৰীয় চৰকাৰে।  এক  প্ৰশ্নৰ লিখিত উত্তৰত কেন্দ্ৰীয় গৃহ নিৰ্মাণ আৰু নগৰ পৰিক্ৰমা ৰাজ্যিক মন্ত্ৰী টোখান সাহুৱে কয় যে চলিত বৰ্ষৰ ১৮ নৱেম্বৰলৈকে গৃহ নিৰ্মাণ আৰু নগৰ পৰিক্ৰমা মন্ত্ৰালয়ে ১.১৮ কোটিৰো অধিক ঘৰ অনুমোদন জনাইছে।

সদনত অৱগত কৰা অনুসৰি, পিএমএৱাই-ইউৰ অধীনত ৰাজ্য/কেন্দ্ৰীয় শাসিত অঞ্চল চৰকাৰে দাখিল কৰা প্ৰকল্পৰ প্ৰস্তাৱৰ ভিত্তিত ১৮.১১.২০২৪ তাৰিখলৈকে মুঠ ১১৮.৬৪ লাখ ঘৰ মন্ত্ৰালয়ে অনুমোদন জনাইছে আৰু ৮৮.০২ লাখতকৈ অধিক ঘৰ সম্পূৰ্ণ কৰা হৈছে। লিখিত উত্তৰত মন্ত্ৰীগৰাকীয়ে লগতে কয় যে,  বাকী থকা ঘৰসমূহ নিৰ্মীয়মান পৰ্যায়ত আছে।

তেওঁ লগতে কয় যে, PMAY-U ৰ অভিজ্ঞতাৰ পৰা শিকি MoHUA এ PMAY-U 2.0 ' Housing for All ' Mission আৰম্ভ কৰিছে।  সমগ্ৰ দেশৰ চহৰ অঞ্চলত ৰূপায়ণৰ বাবে ২০২৪ চনৰ ১ ছেপ্টেম্বৰৰ পৰা কাৰ্যকৰী কৰি এক কোটি ঘৰ নিৰ্মাণৰ লক্ষ্যও হাতত লৈছে।