কূটিল ষড়যন্ত্ৰঃ ৰাফেলৰ মডেল চুৰি কৰিবলৈ তৎপৰ হৈছে চীন...

অপাৰেশ্যন সিন্দূৰৰ সময়ত ভাৰতৰ ৰাফেল বিমানৰ শক্তি দেখি হতবাক হৈ আছে সমগ্ৰ বিশ্ব। এনে সময়তে ৰঙা চীনৰ এক কূটিল ষড়যন্ত্ৰৰ কথা পোহৰলৈ আহিছে।  শেহতীয়াকৈ গ্ৰীচত ৰাফেল

author-image
Asomiya Pratidin
New Update
dddddd

ডিজিটেল ডেস্কঃ অপাৰেশ্যন সিন্দূৰৰ সময়ত ভাৰতৰ ৰাফেল বিমানৰ শক্তি দেখি হতবাক হৈ আছে সমগ্ৰ বিশ্ব। এনে সময়তে ৰঙা চীনৰ এক কূটিল ষড়যন্ত্ৰৰ কথা পোহৰলৈ আহিছে।  শেহতীয়াকৈ গ্ৰীচত ৰাফেল নিৰ্মাণ কৰা কাৰখানাত গ্ৰেপ্তাৰ হৈছে ৪গৰাকী চীনা চোৰাংচোৱা। 

ৰাফেলৰ ভিতৰভাগৰ লগতে বাহ্যিক ভিন্ন অংশৰ ফটো তুলি থকাৰ সময়তে গ্ৰীচ  সেনাই প্ৰথমে আটক কৰিছিল ৪গৰাকী চীনা নাগৰিকক। তাৰ পিছতে তেওঁলোকৰ ফোনসমূহ চোৱাৰ পাছতে বহু বিস্ফোৰক তথ্য পোহৰলৈ আহে। গ্ৰীচত নিৰ্মিত ভিন্ন হেলিকপ্টাৰ, যুদ্ধ বিমানৰ ফটো চীনলৈ প্ৰেৰণ কৰি আছিল এই ৪গৰাকী চীনা নাগৰিকে। 

গ্ৰীচ সেনাই সন্দেহ প্ৰকাশ কৰিছে যে, দেশখনত আৰু চীনা চোৰাংচোৱা ভিন্ন ৰূপত ঘূৰি আছে। এই ৪গৰাকী লোকে প্ৰথমে পৰ্যটক হিচাপে গ্ৰীচত প্ৰৱেশ কৰাৰ তথ্য শেহতীয়াকৈ পোহৰলৈ আহিছে। 

চীন