বৰহোলাৰ শিলডুবিস্থিত ONGCৰ GGSত অগ্নিকাণ্ড, এজনৰ মৃত্যু..

ডিজিটেল সংবাদ,ঘিলাধাৰীঃ বৰহোলাৰ শিলডুবিস্থিত ONGC-ৰGGSত মঙলবাৰে এক ভয়ংকৰ অগ্নিকাণ্ড সংঘটিত হয় ।GGSৰ ভিতৰত থকা বাৰ্ড হিটাৰ বিস্ফোৰণ ঘটাৰ ফলত জুইৰ অগ্নিকাণ্ডৰ শিখাই আগুৰি ধৰে GGS ।

এই ঘটনাত এজন অভিযন্তা অগ্নিদ্বগ্ধ হৈ মৃত্যু হোৱাৰ লগতে কেইবাজনো গুৰুতৰভাৱে হয়৷ গুৰুতৰভাৱে আহতসকলক ইতিমধ্যে চিকিৎসালয়লৈ প্ৰেৰণ কৰা হৈছে৷ ইফালে অগ্নিকাণ্ডৰ পিছতে আতংকিত হৈ পৰে শিলডুবি আৰু গড়াজান অঞ্চল৷

মঙলবাৰে দিনৰ ৩ বজাত সংঘটিত এই অগ্নিকাণ্ডত শোক প্ৰকাশ কৰি স্থানীয় ৰাইজে ONGC-ৰ সুৰক্ষা ব্যৱস্থাক লৈয়ো প্ৰশ্ন উত্থাপন কৰে । আঞ্চলিক ছাত্ৰ সন্থাৰ নেতৃত্বই অভিযোগ কৰি কয় যে ONGC-ক উক্ত ঠাইত এখনচিকিৎসালয় নিৰ্মাণৰ বাবে বহু বাৰ আবেদন দাখিল কৰাৰ পিছতো কোনো গুৰুত্ব দিয়া নাছিল ONGC কৰ্তৃপক্ষই ।

লগতে ONGC-ত সংঘটিত সাধাৰণ দুৰ্ঘটনাৰ বাবেই আঘাতপ্ৰাপ্তক তিতাবৰ বা যোৰহাটলৈ নিব লগা হয় বুলি ক্ষোভ প্ৰকাশ কৰে স্থানীয় ৰাইজে । আজি সংঘটিত ঘটনাৰ সঠিক তদন্তৰ দাবী জনায় ONGC কৰ্তৃপক্ষক শীঘ্ৰে এখন চিকিৎসালয় নিৰ্মাণৰ সিদ্ধান্ত ল’বলৈ আহ্বান জনায় আঞ্চলিক ছাত্ৰ সন্থাৰ নেতৃত্বই ।

উল্লেখযোগ্য যে, পূৰ্বৰ এক অনুৰূপ ঘটনাৰ উদাহৰণ দি আজিৰ ঘটনাৰ বাবে ONGC-ক জগৰীয়া কৰে স্থানীয় লোকে ।