ডিজিটেল ডেস্কঃ বিমুদ্ৰাকৰণৰ ৬ টা বছৰ সম্পূৰ্ণ হ'ল। এই ৬ টা বছৰত বিমুদ্ৰাকৰণক লৈ দেশজুৰি বিতৰ্ক আৰু সমালোচনা অব্যাহত আছে। তাৰ মাজতে আজি পুনৰ কংগ্ৰেছ সাংসদ ৰাহুল গান্ধীয়ে পুনৰবাৰ প্ৰধানমন্ত্ৰী নৰেন্দ্ৰ মোডীক সমালোচনাৰ লক্ষ্য কৰি লৈছে।
ৰাহুল গান্ধীয়ে প্ৰধানমন্ত্ৰী মোডীক কটাক্ষ কৰি কয় যে, PayPM য়ে নিজৰ ২/৩ জন কোটিপতি বন্ধুক লাভান্বিত কৰিবলৈ বিমুদ্ৰাকৰণৰ দৰে সিদ্ধান্ত গ্ৰহণ কৰিলে। উল্লেখ্যে যে দুৰ্নীতি মুক্ত ভাৰত, ক'লা ধন ঘূৰাই অনা, সন্ত্ৰাসবাদী কাৰ্যকলাপ ৰোধ আদিৰ লক্ষ্যৰে বিমুদ্ৰাকৰণৰ সিদ্ধান্ত লৈছিল যদিও সেই সকলোবোৰ উদ্দেশ্য পূৰণতে বিমুদ্ৰাকৰণ বিফল হিচাপে পৰিগণিত হ'ল।
এটা নিশাৰ ভিতৰতে ৫০০ আৰু ১০০০ টকীয়া মুদ্ৰা অচল হৈ পৰা বিমুদ্ৰাকৰণৰ সিদ্ধান্তক বিৰোধী দলসমূহে "অৰ্থনৈতিক গণহত্যা আৰু অপৰাধমূলক কাৰ্য" বুলি অভিহিত কৰিছিল। ৰাহুল গান্ধীয়ে আজি তেওঁৰ ভাষণৰ এটা ভিডিঅ' টুইট কৰি কয়, "বিমুদ্ৰাকৰণ পেপিএমৰ দ্বাৰা এক ইচ্ছাকৃত পদক্ষেপ আছিল যাতে তেওঁৰ ২-৩ জন কোটিপতি বন্ধুৱে ক্ষুদ্ৰ আৰু মজলীয়া ব্যৱসায় আঁতৰাই ভাৰতৰ অৰ্থনীতিত একচেটিয়া আধিপত্য বিভক্ত কৰে।"
ইয়াৰ পূৰ্বে ৰাহুল গান্ধীয়ে টুইট কৰি কৈছিল, "ক'লা ধন অহা নাহিল, কেৱল দৰিদ্ৰতা আহিল, অৰ্থনীতি নগদহীন হোৱা নাই, ই দুৰ্বল হৈ পৰিল। সন্ত্ৰাসবাদ নহয়, কোটি কোটি ক্ষুদ্ৰ ব্যৱসায় আৰু চাকৰি হেৰাল, বিমুদ্ৰাকৰণত '৫০ দিন'ৰ প্ৰতিশ্ৰুতি দি অৰ্থনীতি DeMo-lition কৰিলে।
