২৫ বিত্তীয় বৰ্ষত ভাৰতৰ পেট্ৰলিয়ামৰ চাহিদা ৩-৪ শতাংশ বৃদ্ধি...

ডিজিটেল ডেস্কঃ ২০২৫ চনৰ মাৰ্চ মাহৰ শেষলৈ অৰ্থাৎ চলিত বিত্তীয় বৰ্ষত ভাৰতৰ পেট্ৰলিয়াম সামগ্ৰীৰ চাহিদা ৩-৪ শতাংশ বৃদ্ধি পাব বুলি ফিচ ৰেটিঙ নামৰ এক সংস্থাই প্ৰতিবেদনত প্ৰকাশ কৰিছে ।

চাহিদা বৃদ্ধিৰ মূল কাৰণ হ’ব ডিজেল আৰু পেট্ৰ’লৰ সৰ্বাধিক মাত্ৰাত ব্যৱহাৰ । ২৫ বিত্তীয় বৰ্ষৰ প্ৰথম সাত মাহত ৩% আৰু ২০২৪ বিত্তীয় বৰ্ষত ৫% বৃদ্ধি পাইছিল পেট্ৰলিয়ামৰ চাহিদা । যিটো গ্ৰাহক, ঔদ্যোগিক আৰু আন্তঃগাঁথনিৰ চাহিদা বৃদ্ধিৰ দ্বাৰা সমৰ্থিত। লগতে প্ৰতিবেদনত প্ৰকাশ পাইছে যে ২৫ বিত্তীয় বৰ্ষৰ বাবে ৬.৪% জিডিপি বৃদ্ধি হ’ব পেট্ৰলিয়ামৰ বাবে ।

ফিচে প্ৰকাশ কৰিছে যে ২০২৫ চনৰ মাজভাগলৈ ভাৰতীয় তেল বিপণন কোম্পানীসমূহে (অ’এমচি) শোধন মাৰ্জিনৰ ক্ষেত্ৰত প্ৰত্যাহ্বানৰ সন্মুখীন হ’ব । ইয়াৰ ফলত পেট্ৰলিয়ামৰ চাহিদাৰ ক্ষেত্ৰত প্ৰভাৱ পৰিব ।  এই হ্ৰাসৰ কাৰণ হৈছে আঞ্চলিক অতিৰিক্ত যোগান, খাৰুৱা জাতৰ মাজত মূল্যৰ পাৰ্থক্যৰ ফলত হোৱা লাভ হ্ৰাস ইত্যাদি ।

শোধনৰ ক্ষেত্ৰত প্ৰত্যাহ্বানৰ সৃষ্টি হোৱাৰ পিছতো বিত্তীয় বৰ্ষ ২৪ৰ তুলনাত ব্ৰেণ্ট খাৰুৱা তেলৰ মূল্য হ্ৰাস পোৱাৰ ফলত বিপণনৰ মাৰ্জিন সুস্থ হৈ থাকিব বুলি আশা কৰা হৈছে।