দিল্লী নিৰ্বাচনত NOTAতকৈ কম ভোট পালে দুটা ৰাষ্ট্ৰীয় দলে!

ডিজিটেল ডেস্কঃ দিল্লী নিৰ্বাচনত ঐতিহাসিক জয় সাব্যস্ত কৰিলে বিজেপিয়ে। আপৰ দুৰ্গ উফৰাই বিজেপিয়ে ৭০খন আসনৰ ভিতৰত লাভ কৰিলে ৪৮খনকৈ আসন। দিল্লীত পূৰ্বৰ শাসনাধিষ্ঠ দল আপে লাভ কৰিলে মাত্ৰ ২২খন আসন। অৰবিন্দ কেজৰিৱাল নেতৃত্বাধীন আপৰ বাবে এই নিৰ্বাচন বৰ হতাশাজনক আছিল। কিন্তু এই নিৰ্বাচনত ইয়াতকৈ হতাশাজনক ফলাফল প্ৰদৰ্শন কৰিলে দুটা ৰাষ্ট্ৰীয় দলে।

এই ৰাষ্ট্ৰীয় দল দুটাই দিল্লী নিৰ্বাচনত ন'টাতকৈ কম ভোট লাভ কৰিছে। দিল্লী নিৰ্বাচনত কমিউনিষ্ট পাৰ্টি অৱ ইণ্ডিয়া(মাক্সবাদী)য়ে লাভ কৰিছে ০.০১শতাংশ ভোট। মায়াৱতীৰ দল বি এছ পিয়ে লাভ কৰিছে ০.৫৭শতাংশ ভোট।  এন চি পি দলেও এই নিৰ্বাচনত লাভ কৰিছে ০.০৬শতাংশ ভোট।  উল্লেখ কৰা প্ৰয়োজন যে, দিল্লী নিৰ্বাচনত ন'টাত পৰিছে ৫৩হাজাৰৰো অধিক ভোট। 

ইফালে দিল্লী নিৰ্বাচন-২০২৫ত বিজেপিয়ে লাভ কৰিছে ৪৫.৫৬শতাংশ ভোট আৰু আপে লাভ কৰিছে ৪৩.৫৭শতাংশ ভোট। এই নিৰ্বাচনত কংগ্ৰেছে লাভ কৰিছে ৬.৩৪শতাংশ ভোট।