বান, ভূমিস্খলনত বিধ্বস্ত উত্তৰ-পূবঃ মৃতকৰ সংখ্যা ২০ জনলৈ বৃদ্ধি...

ডিজিটেল ডেস্কঃ  যোৱা দুদিন ধৰি হোৱা প্ৰচণ্ড বৰষুণৰ ফলত ব্যাপক বানপানী আৰু ভূমিস্খলন কবলত উত্তৰ-পূব। অসম, মণিপুৰ, অৰুণাচল প্ৰদেশ আৰু মিজোৰামত এই পৰ্যন্ত ২০ জনৰো অধিক লোকৰ মৃত্যু হৈছে বুলি শনিবাৰে বিষয়াসকলে নিশ্চিত কৰিছে।

ভাৰতৰ বতৰ বিজ্ঞান বিভাগে এই প্ৰচণ্ড বৰষুণৰ কাৰণ বাংলাদেশৰ ওপৰত হোৱা মন্দাৱস্থা বুলি জনাইছে। এই পৰ্যন্ত অৰুণাচল প্ৰদেশত ভূমিস্খলনৰ বাবে কমেও ৯ জন লোকৰ মৃত্যু হোৱা বুলি জানিব পৰা গৈছে। ইষ্ট কামেং জিলাত বানা-চেপ্পা ঘাইপথৰ গৰ্জত এখন বাহন বুৰাই পেলোৱাত দুটা পৰিয়ালৰ ৭ জন সদস্যৰ মৃত্যু হয়।

উল্লেখ্য যে, নামনি সোৱণশিৰি জিলাৰ সমীপত হোৱা ভূমিস্খলনত আন দুজন নিহত হোৱাৰ তথ্য প্ৰকাশ হৈছে। ইফালে পশ্চিম কামেঙত বালিপাৰা-চৰিদুৱাৰ-টাৱাং পথত হোৱা ভূমিস্খলনৰ ফলত কেইবাখনো গাঁৱলৈ যোৱা প্ৰৱেশ পথ বন্ধ হৈ পৰে, যাৰ ফলত কেইবাজনো যাত্ৰী আবদ্ধ হৈ পৰিছে।

মণিপুৰত ক্ষন্তেকীয়া বান আৰু ভূমিস্খলনে পাহাৰীয়া জিলা সেনাপতি, তামেংলং, ননে আৰু ফেৰজাৱলত প্ৰলয়ৰ সৃষ্টি কৰিছে। ইম্ফল নদীৰ ভঙা মথাউৰিয়ে ইম্ফল পূবৰ বৃহৎ অংশ বুৰাই পেলাযইছে। ৰাজ্যিক কৰ্তৃপক্ষই ইম্ফল পূব আৰু পশ্চিম জিলাৰ মহিলা, শিশু, বৃদ্ধ আৰু বিভিন্ন সক্ষম লোককে ধৰি কমেও ৮০০ লোকক উক্ত স্থানৰ পৰা খালী কৰা বুলি নিশ্চিত কৰিছে।

আজি ভাৰতীয় সেনা আৰু অসম ৰাইফলছে অপাৰেচন জলৰাহাটৰ ২ নং অভিযানৰ অধীনত মণিপুৰৰ বানপীড়িত অঞ্চলৰ পৰা প্ৰায় ৮০০ জন সাধাৰণ নাগৰিকক উদ্ধাৰ কৰে।

 শনিবাৰে বৰষুণৰ ফলত ইম্ফলতো ভয়াৱহ পানী জমা হোৱা দেখা যায়। ৰাস্তা-ঘাট ডুব যোৱাৰ ফলত দৈনন্দিন জীৱনত ব্যাঘাত জন্মিছিল আৰু স্থানীয় ৰাইজক অশান্তিৰ সৃষ্টি কৰিছিল। চহৰখনৰ আৰু ইয়াৰ আশে-পাশে থকা নিম্নভূমি অঞ্চলসমূহে আটাইতকৈ বেছি ক্ষতিগ্ৰস্ত হৈছিল।