ৰাষ্ট্ৰীয় খনিজ বিকাশ নিগমৰ সাফল্য : এপ্ৰিলত লোৰ আকৰ উৎপাদন ১৫% বৃদ্ধি

ডিজিটেল ডেস্ক : ভাৰত চৰকাৰৰ অধীনস্থ ৰাষ্ট্ৰীয় খনিজ বিকাশ নিগম চমুকৈ এন এম ডি চিয়ে এপ্ৰিলত লোৰ আকৰ উৎপাদন ১৫ শতাংশ বৃদ্ধি কৰিছে। এই হাৰ পূৰ্বতকৈ ৩ শতাংশ বৃদ্ধি পাইছে বুলি প্ৰকাশ কৰিছে। 

দেওবাৰে এনএমডিচিয়ে এক বিবৃতিত উল্লেখ কৰে যে, এপ্ৰিলত ৪০ লাখ টন (এমএনটি) লোৰ আকৰ উৎপাদন কৰা হৈছে। যিটো যোৱা বছৰৰ একে মাহত ৩.৪৮ এমএনটিৰ তুলনাত অধিক। 

উল্লেখ্য যে, এন এম ডি চিয়ে যোৱা মাহত ৩.৬৩ এমএনটি লোৰ আকৰ বিক্ৰী কৰিছিল। যিটো ২০২৪ চনৰ এপ্ৰিলত ৩.৫৩ এমএনটি আছিল। 

এই সন্দৰ্ভত এন এম ডি চিৰ চি এ মডি অমিতাভ মুখাৰ্জীয়ে কয়- “আমাৰ এপ্ৰিল মাহৰ অভিলেখ ভংগকাৰী প্ৰদৰ্শনৰ লগতে আমাৰ প্ৰধান লোৰ আকৰ খনিৰ পৰা এতিয়ালৈকে সৰ্বোত্তম ডেচপেচৰ পৰিসংখ্যাৰ সৈতে সংযুক্ত হৈ চিপিএলৱাইতকৈ ক্ৰমে ১২ শতাংশ, ৪ শতাংশ আৰু ৮৮ শতাংশ বৃদ্ধি হৈছে। এই বৃদ্ধিয়ে আমাৰ নেতৃত্বৰ দায়িত্ব আৰু অধিক কৰি তুলিছে। 

লগতে কয়- আমাৰ অভিলাষী লক্ষ্যত উপনীত হোৱাৰ বাবে ই এক শক্তিশালী ভেটি স্থাপন কৰিছে। ২০৩০ চনৰ ভিতৰত আমি ১০০ মেট্ৰিক টন খনি প্ৰস্তুতকাৰী কোম্পানীলৈ গতি কৰিম।