ৰাষ্ট্ৰীয় গেমছ ২০২৫ : ভাৰতীয় ভলীবল দলৰ প্ৰাক্তন অধিনায়ক অভিজিৎ ভট্টাচাৰ্যক বিশেষ দায়িত্ব অসম অলিম্পিক সংস্থাৰ

ডিজিটেল ডেস্ক : ২০২৫ বৰ্ষৰ ফ্ৰেব্ৰুৱাৰী মাহত অনুষ্ঠিত হ’বলগীয়া আগন্তুক ৰাষ্ট্ৰীয় গেমছৰ বাবে অসম অলিম্পিক সংস্থাই অসম দলটোৰ ছেফ-ডি-মিছন ভাৰতীয় ভলীবল দলৰ প্ৰাক্তন অধিনায়ক তথা তেল আৰু প্ৰাকৃতিক গেছ নিগম লিমিটেডৰ বিষয়া অভিজিৎ ভট্টাচাৰ্যক নিযুক্তি দিছে। বৃহস্পতিবাৰে এক বিজ্ঞপ্তিযোগে এই কথা ৰাজহুৱা কৰা হৈছে। 

বিজ্ঞপ্তিত উল্লেখ কৰা মতে অসম অলিম্পিক সংস্থাৰ সভাপতি তথা কেন্দ্ৰীয় মন্ত্ৰী সৰ্বানন্দ সোণোৱালৰ লগত হোৱা এক আলোচনাৰ অন্তত ভট্টাচাৰ্যৰ নাম মনোনীত কৰা হয়। এইখিনিতে এটা কথা উল্লেখ কৰা প্ৰয়োজন যে তেঁওক দিয়া এই দায়িত্ব সম্পৰ্কে অসম অলিম্পিক সংস্থাৰ সাধাৰণ সম্পাদক লক্ষ্য কোঁৱৰে প্ৰেছ বিজ্ঞপ্তিযোগে জানিবলৈ দিয়ে।