বিভিন্ন দাবীত নামৰূপ তাপ বিদ্যুৎ কেন্দ্ৰত  ঠিকা শ্ৰমিকৰ ৭ দিন অনশন অব্যাহত

ডিজিটেল সংবাদ, নামৰূপ : দেওবাৰে ৭ দিন অতিক্ৰম কৰিলে প্ৰায় অৰ্ধ শতাধিক অস্থায়ী শ্ৰমিকৰ প্ৰতিবাদী কাৰ্যসূচী। অসম শক্তি উৎপাদন নিগম লিমিটেড নামৰূপ শাখাত ঠিকাদাৰৰ অধীনত কৰ্মৰত প্ৰায় অৰ্ধ শতাধিক অস্থায়ী শ্ৰমিকে চাকৰি নিয়মীয়া কৰণৰ দাবীত  ৫ ছেপ্টেম্বৰৰ পৰা এই প্ৰতিবাদী কাৰ্যসূচী গ্ৰহণ কৰি আহিছে। তাপ বিদ্যুৎ কেন্দ্ৰৰ মহা প্রবন্ধকৰ কাৰ্য্যালয় সমীপত অস্থায়ী ভাৱে নিৰ্মাণ  কৰা মণ্ডপত সোমবাৰে  পুৱা গান্ধীৰ প্রতিচ্ছবিৰ সন্মুখত বন্তি প্ৰজ্বলন কৰি   ৩৯ গৰাকী পুৰুষ  মহিলাই  অনশন আৰম্ভ কৰে।

  শ্ৰমিক সকলৰ নাৰ্য্য  দাবী সমূহৰ ভিতৰত বিশেষকৈ প্ৰতিবাদী সকল ঠিকাদাৰ অধীনত কৰ্মৰত হোৱাৰ বিপৰীতে সকলো ঠিকা শ্ৰমিকক পৰিষদৰ (বৰ্ড) অধীনস্থ  কৰাৰ লগতে মহিলী এটি উন্নত মানৰ বেতন দিয়াৰ সু ব্যৱস্থা কৰাৰ দাবী তোলাৰ লগতে সকলো ঠিকা শ্ৰমিকক চাকৰি স্থায়ীকৰণ কৰাৰো দাবী তোলে অস্থায়ী ঠিকা শ্ৰমিক সকলে।  ইফালে  ৯ ছেপ্টেম্বৰত অসম শক্তি উৎপাদন নিগম লিমিটেডৰ  জেষ্ঠ  মহাপ্ৰবন্ধক   টিকেন  চন্দ্ৰ বসুমতাৰী  গুৱাহাটীৰ   বিজুলী ভৱন মুখ্য কাৰ্যালয়ৰ পৰা আহি   নামৰূপ তাপ বিদ্যুৎ কেন্দ্ৰৰ অতিথি শালাত  বাঁহৰ পাতি নাহকটীয়া ৰাজহ চক্ৰ বিষয়া  শৰৎ গগৈৰ উপস্থিতিত এলেঠাৰিয়ে

বহু বাৰ অনশনকাৰী সকলৰ লগত  আলোচনাত মিলিত হৈছে যদিও  প্ৰতিবাদী সকল নিজৰ স্থিতিত অটল।  উল্লেখযোগ্য যে    ৯ ছেপ্টেম্বৰত বিজুলী ভৱনৰ পৰা জেষ্ঠ মহাপ্ৰবন্ধকে স্বাক্ষৰিত HR/ APGCL /2020/1201/104 নম্বৰ পত্ৰ যোগে  নামৰূপ তাপ বিদ্যুৎ কেন্দ্ৰৰ মহাপ্ৰবন্ধকলৈ এক পত্ৰ প্ৰেৰণ কৰি অনাগত তিনিমাহৰ  ভিতৰত অনুষ্ঠিত হ'ব লগীয়া  বোৰ্ড  মিটিংত নিশ্চিত ভাবে অস্থায়ী ঠিকা শ্ৰমিকসকলৰ  উক্ত বিষয়টো  উপস্থাপন কৰা হ'ব বুলি পত্ৰও   প্ৰেৰণ কৰা হৈছে ।

ইয়াৰ প্ৰতিলিপি অস্থায়ী ঠিকা শ্ৰমিক  সন্থাকো প্ৰদান কৰা হৈছে যদিও কৰ্তৃপক্ষৰ আশ্বাসত আশ্বস্ত নহৈ প্ৰতিবাদী সকলে অনশন অব্যাহত ৰাখিছে।   এনে প্ৰেক্ষাপটত অৱশেষত আজি  জিলা উপায়ুক্ত   বিশ্বজিত পেগুৱে বিষয়টো  হস্তক্ষেপ কৰি  সোমাবাৰে জিলা উপায়ুক্ত কাৰ্য্যালয়লৈ আলোচনাৰ বাবে  মাতি পঠায় অনশন কাৰী সকলক।  আনহাতে  সাত দিন অনশনত বহি ক্ৰমাৎ স্বাস্থ্যৰ অৱনতি ঘটিছে অনশন কাৰী সকলৰ।