চামগুৰিত অপ্ৰতিৰুদ্ধ দিপ্লুৰঞ্জন শৰ্মা...

ডিজিটেল সংবাদ,নগাঁওঃ  জল্পনা কল্পনাৰ সামৰণি পেলাই অৱশেষত বিজেপি প্ৰাৰ্থী

ষিত নিৰ্বাচনী ফলাফলত বিজেপি প্ৰাৰ্থীজনে ২৪ হাজাৰ ৫০১ টা ভোটৰ ব্যৱধানত কংগ্ৰেছ প্ৰাৰ্থী তথা সাংসদ ৰকিবুল হুছেইনৰ পুত্ৰ তাঞ্জিল হুছেইনক পৰাজয় কৰে।আজি ঘোষিত ফলাফল অনুযায়ী বিজেপি প্ৰাৰ্থী দিপ্লুৰঞ্জন শৰ্মাই ৮১ হাজাৰ ৩২১ টা ভোট লাভ কৰাৰ বিপৰীতে কংগ্ৰেছ প্ৰাৰ্থী তাঞ্জিল হুছেইনে ৫৬ হাজাৰ ৮২০ টা ভোট লাভ কৰে।

অন্যহাতেদি সমষ্টিটোৰ পৰা নিৰ্বাচনত প্ৰতিদ্বন্দিতা কৰা অন্য কেইজন প্ৰাৰ্থী আম আদমী পাৰ্টীৰ নুৰুল আমিন চৌধুৰীয়ে ৯৩৪ টা,আব্দুচ চুব্বুৰ মিঞাই ১৯৬ টা,বীৰেন বাচাকে ১৪৯ টা,ৰাব্বুল হকে ১৩৯ টা,আব্দুল মজিদে ৩৭২ টা,জেহিৰুল ইছলামে ১৭৬ টা,ফাতেমা খাতুনে ২১৬ টা,মোচ্চাবিৰ আলি আহমেদে ৭৫৫ টা,শশী তাতীয়ে ৬৮১ টা ভোট লাভ কৰে।ইয়াৰ বিপৰীতে নটা ভোট আছিল ১০৬৫ টা।বিজয়ী সাব্যস্ত হোৱা বুলি ফলাফল ঘোষণা হোৱাৰ পিচত বিজেপি প্ৰাৰ্থী দিপ্লুৰঞ্জন শৰ্মাই সাংবাদিকৰ আগত চামগুৰিবাসী ৰাইজৰ বিশ্বাসক শিৰত লৈ  আগবাঢ়ি যাব বুলি সংবাদ মাধ্যমৰ সন্মুখত মন্তব্য কৰে ।

মূলতঃ দলৰ সাংগঠনিক কামকাজত দীৰ্ঘদিনৰ পৰা ব্যস্ত থকা দিপ্লুৰঞ্জন শৰ্মাই বৰ্তমান জনপ্ৰতিনিধি হিচাপে তেওঁৰ দায়িত্ব বৃদ্ধি পোৱা বুলি মন্তব্য কৰি লগতে কয় যে চামগুৰি সমষ্টিৰ সৰ্বাংগীন উন্নয়নৰ হকে কাম কৰি যোৱাই মোৰ লক্ষ্য। আনহাতে চামগুৰি সমষ্টিৰ উপ নিৰ্বাচনত বিজেপি দলে ব্যাপক হাৰত ৰিগিঙৰ আশ্ৰয় লোৱা বুলি  সাংসদ ৰকিবুল হুছেইনে কৰা অভিযোগৰ প্ৰত্যুত্তৰ দি বিজেপি দলৰ বিজয়ী প্ৰাৰ্থী শৰ্মাই  কয়, অসমৰ ৰাজনীতিত হিংসাত্মক ধাৰা সৃষ্টি কৰাত ৰকিবুল হুছেইনে পি এইচ ডি ডিগ্রী লাভ কৰিছে। নাও বুৰিলেও তেওঁ টিঙৰ পৰা নামিব নুখুজে। তেওঁৰ দৰে মানুহৰ বাবেই কংগ্ৰেছ দল আজি ৰাইজৰ দ্বাৰা প্ৰত্যাখিত হৈছে।

আনহাতে ৰকিবুল হুছেইনে নিজৰ পুত্ৰৰ সন্মুখত বেয়া আদৰ্শ দাঙি ধৰা বুলি মন্তব্য কৰি বিজেপি প্ৰাৰ্থী দিপ্লুৰঞ্জন শৰ্মাই কয় যে, কিছুদিন আগৰে পৰা চামগুৰি সমষ্টিৰ সভা সমূহত টিভিত ইজৰাইল আৰু পেলেষ্টাইনৰ যুদ্ধ  অথবা  গো মাংসৰ ৰাজনীতি আদিৰে তেওঁ মানুহৰ মাজত বিভ্ৰান্তিৰ সৃষ্টি কৰি আহিছিল । এনেবোৰ কাৰণতে সমষ্টিটোৰ ৰাইজে কংগ্ৰেছৰ প্ৰাৰ্থী গৰাকীক প্ৰত্যাখ্যান কৰিছে ।

আনহাতে বিজেপি দলে যোগাত্মক ৰাজনীতি কৰে বুলি উল্লেখ কৰি শৰ্মাই লগতে কয় যে আমাৰ দলৰ বাবে সংখ্যা গুৰু অথবা সংখ্যালঘু বুলি কোনো কথা নাই । আমাৰ  চৰকাৰৰ আঁচনি সমূহ সকলো শ্রেণীৰ লোকে লাভ কৰি আহিছে । আমি সদায় যোগাত্মক ধৰ্ম নিৰপেক্ষতাৰ কথা কওঁ।এই যোগাত্মক ধৰ্মনিৰপেক্ষতা তোষামোদ নহয়।সকলোকে ন্যায় দিয়াটোৱেই আমাৰ ৰাজনীতি । আমি গনতান্ত্ৰিক প্ৰমুল্যবোধৰ ৰাজনীতি কৰো।

তেওঁ লগতে কয় যে, ২০০১ চনৰ পৰা ২০২৪ চনলৈকে চামগুৰিৰ ৰাইজৰ যি অবদমিত ক্ষোভ আছে সেই ক্ষোভৰ বহিঃপ্ৰকাশ ঘটিল।চামগুৰিৰ ৰাইজে বিগত সময়ছোৱাত কংগ্ৰেছ তথা ৰকিবুল হুছেইন বাহিনীৰ অবদমনৰ বিৰুদ্ধে সংঘৰ্ষ কৰিলে।চামগুৰিৰ ৰাইজে দিপ্লুৰঞ্জন শৰ্মাৰহৈ নিৰ্বাচনত প্ৰতিদ্বন্দিতা কৰিছে।

ভাৰতীয় জনতা পাৰ্টিৰ নেতৃত্বই যি দায়িত্ব দিয়ে সেইয়া নিষ্ঠাৰে পালন কৰিম বুলি মন্তব্য কৰি বিজয়ী বিজেপি প্ৰাৰ্থীজনে কয়, নেতৃত্বই যদি কাৰ্যালয় সম্পাদক হবলৈ দিয়ে কাৰ্যালয় সম্পাদক হম।যদি বুথ সম্পাদকৰ দায়িত্ব দিয়ে বুথ সম্পাদক হম।আমি ভাৰতীয় জনতা পাৰ্টীৰ এজন উৎসৰ্গিত কাৰ্যকৰ্তা।আগন্তুক ৫০ বছৰলৈকে অসমত ভাৰতীয় জনতা পাৰ্টি তথা মিত্ৰজোটৰ চৰকাৰ যাতে থাকে তাৰ বাবে কাম কৰি যাম।

মোৰ দৃষ্টিত সংখ্যালঘু,সংখ্যাগুৰু বুলি কথা নাই বুলি মন্তব্য কৰি বিজেপি প্ৰাৰ্থীজনে সকলো কথা ভাৰতীয় নাগৰিক বুলি কয়।তেওঁ কয় যে-'মুখ্যমন্ত্ৰী,প্ৰাক্তন মুখ্যমন্ত্ৰীকে ধৰি বহু কেইজন মন্ত্ৰী,বিধায়ক তথা চামগুৰি সমষ্টিৰ ৰাইজে নিৰ্বাচনত বিজেপি প্ৰাৰ্থীজনক জয়ী কৰিবলৈ যেনেধৰণৰ প্ৰচেষ্টা হাতত ল'লে সেইয়া অভূতপূৰ্ব।মই নিমিত্তহে মাথো।এই জয় উন্নয়নৰ জয়।এই জয় ভাৰতীয় জনতা পাৰ্টিৰ সবকা সাথ,সবকা বিকাশৰ জয়।

ইপিনে মন্ত্ৰী কেশৱ মহন্তই কয় যে, মুখ্যমন্ত্ৰীৰ প্ৰতি ৰাইজৰ আস্থা বাঢ়িছে।অগপ-বিজেপিৰ সন্মিলিত পদক্ষেপৰ প্ৰতি বিশ্বাস বাঢ়িছে।সেয়ে সংখ্যালঘু জনসাধাৰণেও সহযোগিতা কৰিছে। তেওঁ কয় যে-ঐক্যবদ্ধ ভাবে যুজিলে অসমত দুই-এটা সমষ্টিৰ বাহিৰে সকলোতে মিত্ৰজোটৰ প্ৰাৰ্থী ২০২৬ চনৰ নিৰ্বাচনত জয়ী হব।সংখ্যালঘু ,সংখ্যাগুৰু সকলোৱে একেলগে কাম কৰিব।

মন্ত্ৰী বিমল বৰাই সংবাদ মাধ্যমৰ আগত কয় যে-'চামগুৰিত নিৰ্বাচন জিকাৰ আঁৰত সংখ্যালঘু ভোটাৰ। সকলোৰে সমুহীয়া প্ৰচেষ্টাৰ ফলত আজি বিজেপিয়ে ভাল ফল দেখুওৱালৈ সক্ষম হ'ল। ৰাইজে একমাত্ৰ উন্নয়নৰ স্বাৰ্থতেই দিপ্লুৰঞ্জণ শৰ্মাক অধিক ভোটাৰ ব্যৱধানত জয়ী কৰালে। 

নগাঁও সদৰ সমষ্টিৰ বিধায়ক ৰূপক শৰ্মাই সংবাদ মাধ্যমৰ কয় যে, চামগুৰি সমষ্টিটোত এক অভিলেখ সৃষ্টি কৰি বিজেপিৰ পক্ষে যি জয় সাব্যস্ত হৈছে।ই এক শুভ লক্ষণ হিচাপে চিহ্নিত হৈছে। বিৰোধীয়ে বিজেপিৰ বিৰুদ্ধে কৰি অহা অপপ্ৰচাৰ সমুহক মিছা প্ৰমাণিত কৰি অৱশেষত সংখ্যালঘু অধ্যুষিত সমষ্টিটো আমাৰ পক্ষে গৈছে। এতিয়াৰে পৰা চামগুৰিত কংগ্ৰেছৰ দীৰ্ঘদিনীয়া অপশাসনৰ অন্ত পৰিব।

অন্যহাতেদি পৰাজয় বৰণ কৰাৰ পিছত চামগুৰি সমষ্টিৰ কংগ্ৰেছ প্ৰাৰ্থী তাঞ্জিল হুছেইনৰ পিতৃ তথা ধুবুৰীৰ সাংসদ ৰকিবুল হুছেইনে নগাঁৱস্থ নিজ বাসগৃহত এক সংবাদ মেল সম্বোধন কৰি  কয় যে-' পূৰ্বেই মই কৈছিলোঁ ভোট গ্ৰহণৰ সময়ত বিজেপিয়ে ব্যাপক হাৰত ৰিগিং সংঘটিত কৰিছে। এই সন্দৰ্ভত নিৰ্বাচনী আয়োগক অভিযোগ দিয়াৰ পিছতো কোনো ন্যায় পোৱা নগ'ল। অকল ভোট কেন্দ্ৰতেই নহয় আজিও ভোট গণনা কেন্দ্ৰত বিজেপিৰ এজেন্ট সকলে একাংশ বিষয়াৰ লগত মিলি ৰিগিং কৰিছে।

সি যি কি নহওঁক মই চামগুৰিবাসীৰ লগতে বিজয়ী বিজেপিৰ প্ৰাৰ্থী গৰাকীক অভিনন্দন আৰু ধন্যবাদ জনাইছোঁ। চামগুৰিত এতিয়া কেবল উন্নয়নৰ ৰাজনীতি হওক। লগতে শান্তি-সম্প্ৰীতি অটুট ৰাখি প্ৰাৰ্থী গৰাকীয়ে কাম কৰক।'চামগুৰিত দিপ্লুৰঞ্জন শৰ্মা জয়ী হোৱাটো ভৱিষ্যতে দুগৰাকী বিধায়কৰ কাৰণে এক অশনী সংকেত কঢ়িয়াই আনিছে বুলি এক তাৎপৰ্যপূৰ্ণ মন্তব্য কৰি হুছেইনে কয় যে বঢ়মপুৰ আৰু কলিয়াবৰ সমষ্টিৰ পৰৱৰ্তী নিৰ্বাচনত বৰ্তমানৰ বিধায়ক দুগৰাকীৰ সন্মুখত এক প্ৰত্যাহ্বান হিচাপে থিয় দি প্ৰাৰ্থিত্বৰ দাবীদাৰ দিপ্লুৰঞ্জন শৰ্মা।'