নগাঁও আৰক্ষীৰ অভিযান : ২০ হাজাৰ নিচাযুক্ত টেবলেট জব্দ

ডিজিটেল সংবাদ, নগাঁও : বৃহৎ পৰিমাণৰ নিষিদ্ধ ড্ৰাগছসহ নগাঁও আৰক্ষীৰ জালত পৰিছে কুখ্যাত ড্ৰাগছ মাফিয়া। নগাঁও আৰক্ষীৰ জালত পৰা কুখ্যাত ড্ৰাগছ মাফিয়াটো হ'ল- বেঙেনাআটিৰ মইনুল হক ওৰফে ভাই।

অভিযানকালত আৰক্ষীয়ে জব্দ কৰিছে ২০ হাজাৰ নিচাযুক্ত টেবলেট আৰু  বুজন পৰিমাণৰ কফ ছিৰাপৰ বটল। জানিব পৰা মতে নগাঁৱৰ বহু স্কুল-কলেজৰ ছাত্ৰক ড্ৰাগছ যোগান ধৰিছিল ভাইয়ে।

নগাঁৱৰ বেঙেনাআটিৰ পৰা মৰিকলং আৰক্ষীয়ে আটক কৰে মইনুল হক ওৰফে ভাইক। উল্লেখ্য যে, মইনুল হকে দীৰ্ঘদিনৰে অঞ্চলটোত ড্ৰাগছৰ ৰমৰমীয়া ব্যৱসায় অব্যাহত ৰাখিছিল।