বৰবিল পথাৰ গাঁৱত ন-খোৱা উৎসৱ পালন...

ডিজিটেল সংবাদ,ঢেকিয়াজুলিঃ আঘোণ মানেই অসমীয়াৰ ন-খোৱা উৎসৱ। পূৰ্বৰ পৰাই অসমৰ গ্ৰাম্যাঞ্চলত প্ৰচলিত হৈ আহিছে ন-ধানৰ চাউলেৰে সকলোৱে মিলি ন-খোৱা উৎসৱ। সাতামপুৰুষীয়া পৰম্পৰা অটুট ৰাখি এইবেলিও ঢেকিয়াজুলিৰ বৰবলি আৰু মেঘাইজাৰণি গাঁৱৰ ৰাইজে আয়োজন কৰে ন-খোৱা উৎসৱ।

ন-খোৱা উৎসৱক লৈ গাঁৱখনত পুৱাৰে পৰা এক উখল-মাখল পৰিৱেশে বিৰাজ কৰে। বৰবিল গাঁৱত থকা হাৰিয়ালি যুৱক সংঘৰ পিছফালে থকা বিশাল পথাৰত চাহ জনগোষ্ঠীৰ লোকসকলে ন-খোৱা উৎসৱটি ব্যাপক কাৰ্যসূচীৰে আয়োজন কৰে। গাঁৱৰ ৰাইজে অতিথিসকলক নিমন্ত্ৰণ কৰি আধুনিকতাৰ বিপৰিতে সম্পূৰ্ণ পৰম্পৰাগত থলুৱা খাদ্য-সম্ভাৰেৰে এসাঁজ খুৱাই ভাতৃত্ববোধৰ চানেকি দাঙি ধৰে।

ইয়াৰ জৰিয়ৰে গাঁৱখনৰ ৰাইজৰ মাজত সম্প্ৰীতিৰ এনাজৰীডাল সুদৃঢ় কৰাৰ প্ৰয়াস কৰে ৷ অসমীয়া চহা জীৱনৰ এই পৰম্পৰা অক্ষুন্ন ৰাখি ঢেকিয়াজুলিৰ বৰবিল পথাৰ গাঁৱৰ ৰাইজে ন খোৱা আয়োজন কৰি আধুনিকতাৰ ধামখুমীয়াত আজিও যে গ্ৰাম্য চহা জীৱনত পৰম্পৰা অটুট আছে তাক পুনৰ বাৰ দেখুৱালে ৷ এই কাৰ্যসূচীত আৰক্ষীৰ পৰা আৰম্ভ কৰি ৰাজনৈতিক নেতা,সামাজিক ব্যক্তিলৈ সাংবাদিক সকলোৱে মিলি ন খোৱাৰ অনাবিল আনন্দ উপভোগ কৰে।

আৰু পঢ়কঃ গৌৰী সদনত ভাৰতৰ ইতিহাসৰ বিকৃতকৰণ শীৰ্ষক আলোচনা চক্ৰ...