ডিজিটেল সংবাদ, লংকাঃ হোজাইৰ মোৰাঝাৰত দুটা ড্ৰাগছ সৰবৰাহকাৰী আটক । উদ্ধাৰ ৪.৪৩ গ্ৰাম ড্ৰাগছ । হোজাই জিলাৰ মোৰাঝাৰত দুটা ড্ৰাগছ সৰবৰাহকাৰী আটক । ৰাইজে খেদি খেদি আটক কৰে দুটা ড্ৰাগছ সৰবৰাহকাৰী । লগতে ড্ৰাগছ সৰবৰাহকাৰী দুটাৰ পৰা উদ্ধাৰ কৰে হিৰোইন নামৰ ড্ৰাগছ ।
ৰাইজৰ হাতত আটক হোৱা ড্ৰাগছ সৰবৰাহকাৰী দুটা হৈছে ইয়াহিয়া আৰু বাবুল আহমেদ । দুয়োটা ড্ৰাগছ সৰবৰাহকাৰীৰ ঘৰ চাৰিং পথাৰত । তিনিজনীয়া ড্ৰাগছ সৰবৰাহকাৰীৰ পৰা দুটাক ৰাইজে আটক কৰিলেও আন এটা পলাই যায়।
পলায়ন কৰা ড্ৰাগছ সৰবৰাহকাৰীটো হৈছে চাৱাজপুৰ গাঁৱৰ চাবিৰ আহমেদ । ৰাইজে আটক কৰি মোৰাঝাৰ আৰক্ষীক খবৰ দিয়াত আৰক্ষী বিষয়া অংকুৰ কাকতি ঘটনাস্থলীত উপস্থিত হয় । আৰক্ষীয়ে ড্ৰাগছ সৰবৰাহকাৰীৰ বেগৰ পৰা উদ্ধাৰ কৰে ড্ৰাগছ ভৰ্তি তিনিটা কন্টেইনাৰ। তিনিটা কন্টেইনাৰত উদ্ধাৰ হোৱা ড্ৰাগছৰ পৰিমাণ হৈছে ৪.৪৩ গ্ৰাম ।
