একনাথৰ অভিমান আৰু নাভাঙে বিজেপিয়ে! কৰিছে বিশেষ পৰিকল্পনা...

ডিজিটেল ডেস্কঃ অচিৰেই বিজেপিয়ে একাষৰীয়া কৰিব একনাথ সিন্দেক। ৰাষ্ট্ৰীয় ৰাজনীতিত এতিয়া এই খবৰ বিজুলী বেগত বিয়পি পৰিছে।  একনাথ সিন্দেৰ অভিমান, অসন্তুষ্টিত অতিষ্ঠ হৈ পৰিছে মিত্ৰদল বিজেপি। যাৰ বাবে আজি কিছুদিনৰ পৰা শিৱসেনাৰ উদ্ধৱ থাকৰে গোটৰ সৈতে ঘনিষ্ঠতা বাঢ়িছে বিজেপিৰ।

ৰাষ্ট্ৰীয় সংবাদ মাধ্যমত প্ৰকাশিত খবৰ অনুসৰি, বিজেপিৰ নেতৃত্ব আৰু উদ্ধৱ থাকৰে শিৱসেনা গোটৰ মাজত বন্ধ কোঠাত কেইবালানিও আলোচনা ইতিমধ্যে সম্পন্ন হৈছে। আৰু কিছু কথা দুয়োটা দলে এৰা-ধৰা কৰিলে বিজেপিয়ে একনাথ সিন্দেক আনুষ্ঠানিকভাৱে বিদায় দিব।

অতি শেহতীয়াকৈ মহাৰাষ্ট্ৰৰ মুখ্যমন্ত্ৰী দেবেন্দ্ৰ ফাড়নবিছ আৰু মহাৰাষ্ট্ৰ বিধান পৰিষদৰ নেতা আদিত্য থাকৰে মাজতো এখন গুৰুত্বপূৰ্ণ গোপন বৈঠক সম্পন্ন হৈছে। এখন হোটেলত অতি গোপনে দুয়োগৰাকী নেতাই প্ৰায় ২০মিনিট সময় ধৰি আলোচনাত মিলিত হৈছে।

এই সকলো দৃশ্যপটলৈ চাই অচিৰেই নহলেও ভৱিষ্যতে যে মহাৰাষ্ট্ৰৰ ৰাজনীতিত ব্যাপক পট পৰিৱৰ্তন হব সেয়া নিশ্চিত।