ডিমৰীয়াত অব্যাহত আছে ব্যাপক হাৰত পাহাৰ খনন

ডিজিটেল ডেস্কঃ পূৱ কামৰূপ বন সংমণ্ডলৰ অন্তৰ্গত সোণাপুৰৰ তিনিতাকৈ স্থানত ব‍্যাপক হাৰত পাহাৰ খন চলি আছে । সোণাপুৰ ৰাজহ চক্ৰৰ অন্তৰ্গত নলগেদৰা, তেতেলীয়া, বাইশ মাইল আদি এলেকাত দিনে নিশাই চলিছে পাহাৰ খনন । এই পাহাৰ খননৰ আঁৰত বিজেপিৰ দুই প্ৰভাৱশালী নেতা থকাৰ অভিযোগ উত্থাপিত হৈছে ।

আৰক্ষী আৰু বন বিষয়াক মনে মনে থকাৰ বাবে হেঁচা দিয়ে বিজেপি নেতাই । অভিযোগ অনুসৰি বিজেপিৰ কোনো বিধায়ক আৰু পৰিৱহন বিভাগৰ শীৰ্ষ নেতাৰ পৃষ্ঠপোষকতাত চলিছে এই পাহাৰ খনন ।

পাহাৰ খননৰ ক্ষেত্ৰত বিজেপিৰ আঞ্চলিক পৰ্য়ায়ৰ নেতাও জড়িত থকাৰ অভিযোগ উত্থাপিত হৈছে । উল্লেখযোগ্য যে পাহাৰ খনন বন্ধৰ দাবীত ইতিমধ্যে ২৬ নৱেম্বৰত আন্তঃ ডিমৰীয়া আঞ্চলিক ছাত্ৰ সন্থাই কামৰূপ মহানগৰ জিলা আয়ুক্তক স্মাৰক পত্ৰ প্ৰদান কৰিছে ।

স্মাৰক পত্ৰত উল্লেখ কৰা অনুসৰি চৰকাৰে অঞ্চলটোৰ কিছু নিৰ্দিষ্ট ঠাইত পাহাৰ খননৰ অনুমতি দিছে যদিও তাৰ গইনা লৈ একাংশ অসাধু চক্ৰই অইন ঠাইটো খনন কাৰ্য চলাই গৈছে । এইক্ষেত্ৰত বন বিভাগৰ একাংশ লোকে সহায় কৰে বুলি স্পষ্ট ভাৱে উল্লেখ আছিল স্মাৰক পত্ৰত ।