Advertisment

মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ

ৰাজ্য চৰকাৰৰ পৰ্যটন, পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে বুধবাৰে পশ্চিম বংগৰ কোচবিহাৰ জিলাত অৱস্থিত মহাপুৰুষ শ্ৰীমন্ত শংকৰদেৱৰ মহাপ্ৰয়াণৰ স্থান মধুপুৰ সত্ৰ পৰিদৰ্শন কৰে।

author-image
Asomiya Pratidin
আপডেট কৰা হৈছে
New Update
মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ

মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ

ডিজিটেল সংবাদ, ধুবুৰী : ৰাজ্য চৰকাৰৰ পৰ্যটন, পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে বুধবাৰে পশ্চিম বংগৰ কোচবিহাৰ জিলাত অৱস্থিত মহাপুৰুষ শ্ৰীমন্ত শংকৰদেৱৰ মহাপ্ৰয়াণৰ স্থান মধুপুৰ সত্ৰ পৰিদৰ্শন কৰে। তাৰোপৰি মহাপুৰুষ শ্ৰীশ্ৰী দামোদৰদেৱৰ মহাপ্ৰয়াণৰ স্থান বৈকুণ্ঠপুৰ পৰিদৰ্শন কৰে। 

Advertisment

মন্ত্ৰীগৰাকীৰ পৰিদৰ্শনকালত ২৯জানুৱাৰীৰ পৰা ৩১ জানুৱাৰীলৈ ৰাজ্য চৰকাৰৰ পৰ্যটন বিভাগ আৰু ধুবুৰী জিলা প্ৰশাসনৰ উদ্যোগত উক্ত স্থানত অনুষ্ঠিত হ'বলগীয়া মধুপুৰ উৎসৱৰ প্ৰাৰম্ভিক ব্যৱস্থাপনাৰ বুজ লয়। লগতে সত্ৰ দুখনৰ সামগ্ৰিক পৰিৱেশৰো বুজ লয় মন্ত্ৰীগৰাকীয়ে। 

উল্লেখযোগ্য যে পশ্চিমবংগৰ কোচবিহাৰ জিলাত অৱস্থিত ঐতিহ্যমণ্ডিত শ্ৰীশ্ৰী মধুপুৰ ধাম সত্ৰত বুঢ়ীৰ পো গোবিন্দ আতৈৰ তিৰোভাৱ তিথিৰ লগত সংগতি ৰাখি অসম চৰকাৰৰ পৰ্যটন বিভাগৰ সৌজন্যত আৰু ধুবুৰী জিলা প্ৰশাসনৰ সহযোগত অহা ২৯, ৩০, ৩১ জানুৱাৰীত  তিনিদিনীয়া বৰ্ণাঢ্য কাৰ্যসূচীৰে মধুপুৰ উৎসৱ উদযাপন আৰু নিৰ্মালি প্ৰদান অনুষ্ঠান অনুষ্ঠিত হ'ব ৷ ইয়াৰে প্ৰথম দিনৰ কাৰ্যসূচীত মুখ্যমন্ত্ৰী ড° হিমন্ত বিশ্ব শৰ্মাই অংশগ্ৰহণ কৰাৰ সম্ভাৱনা আছে ।

মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ
মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ

 

এই অনুষ্ঠানতে মালানিৰ্মালি প্ৰদান কৰি সত্ৰখনৰ ডেকাসত্ৰীয়া আৰু বুঢ়াসত্ৰীয়া  পদত অধিষ্ঠিত কৰা হ'ব ৷ পৰিদৰ্শনকালত মন্ত্ৰী দাসে সত্ৰখনত থকা গুৰুজনাৰ আপুৰুগীয়া সম্পদৰাজিও দৰ্শন কৰে। পৰিদৰ্শনকালত সাংবাদিকৰ সৈতে হোৱা মত -বিনিময়ত মন্ত্ৰী দাসে কয় যে জগৎ গুৰু শ্ৰীমন্ত শঙ্কৰদেৱে অসমীয়া জাতিক সাহিত্য, ভাষা, কৃষ্টি -সংস্কৃতিকে ধৰি সকলো সম্পদ প্ৰদান কৰি গৈছে। এই স্থানতে গুৰুজনাৰ মহাপ্ৰয়াণ হৈছিল।

আনহাতে মধুপুৰ উৎসৱত মুখ্যমন্ত্ৰীৰ আগমনে মধুপুৰ সত্ৰৰ বাবে এক ভাল খবৰ কঢ়িয়াই আনিব বুলিও তেওঁ কয়। আগন্তুক দিনত মধুপুৰ সত্ৰক ধৰ্মীয় পৰ্যটনৰ অন্যতম আকৰ্ষণৰ কেন্দ্ৰ হিচাপে গঢ়ি তোলাৰ বাবে পদক্ষেপ লোৱাৰ উপৰি সত্ৰখন দৰ্শনৰ বাবে অহা বাহিৰৰ পৰ্যটকে বুজিব পৰাকৈ ধুবুৰী জিলা প্ৰশাসনৰ উদ্যোগত হিন্দী, বাংলা আৰু ইংৰাজী ভাষাৰ এখন পুস্তিকা প্ৰকাশ কৰাৰ ব্যৱস্থা লোৱা হ'ব বুলিও মন্ত্ৰীগৰাকীয়ে জানিবলৈ দিয়ে।

ইফালে মন্ত্ৰী দাসে উক্ত দিনাই ১৫৯৮ খ্ৰীষ্টাব্দত মহাপুৰুষ শ্ৰীশ্ৰীদামোদৰ দেৱৰ মহাপ্ৰয়াণৰ স্থান কোচবিহাৰ জিলাৰ বৈকুণ্ঠপুৰো দৰ্শন কৰে৷ দৰ্শনকালত তেওঁ গুৰুজনাই ব্যৱহাৰ কৰা বিচনা, খৰম আদি প্ৰত্যক্ষ কৰাৰ লগতে সামগ্ৰিক পৰিৱেশৰ বুজ লয়। 

মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ
মহাপুৰুষ শ্ৰীমন্ত শংকৰদেৱ আৰু দামোদৰদেৱৰ মহাপ্ৰয়াণৰ স্থান পৰিদৰ্শন মন্ত্ৰী ৰঞ্জিত কুমাৰ দাসৰ

 

ইয়াৰ পাছতে মন্ত্ৰী দাসে মত- বিনিময় অনুষ্ঠানত কেইবাটাও মন্তব্য কৰে। মন্ত্ৰী দাসে আগন্তুক দিনত গুৰুজনাৰ মহাপ্ৰয়াণৰ এই পৱিত্ৰ স্থানক যুগমীয়া কৰি তোলাৰ বাবে কিছু প্ৰচেষ্টা হাতত লোৱা হ'ব বুলি মন্তব্য কৰে। লগতে প্ৰথমবাৰৰ বাবে ইয়ালৈ আহি পৰিৱেশৰ বুজ লৈ মুখ্যমন্ত্ৰীক অৱগত কৰি এই দিশত এক ভাল ফলাফল প্ৰদান কৰিব পৰা যাব বুলি তেওঁ আশা প্ৰকাশ কৰে। 

মধুপুৰৰ লগতে বৈকুণ্ঠপুৰ স্থানকো পৰ্যটনৰ ডেষ্টিনেচনত অৰ্ন্তভুক্ত কৰাৰ পদক্ষেপ লোৱা হ'ব বুলি তেওঁ কয়। ইয়াৰ দৌল গৃহটো সম্পূৰ্ণ কৰাৰ বাবে তাৎক্ষণিকভাৱে পাটাছাৰকুছি সমষ্টিবাসী ৰাইজৰ সহযোগত ৩লাখ টকা প্ৰদান কৰা হ'ব বুলিও তেওঁ কয়। মন্ত্ৰীগৰাকীৰ পৰিদৰ্শনৰ সময়ত ধুবুৰী জিলাৰ আয়ুক্ত দিবাকৰ নাথ, সত্ৰৰ বিষয়ববীয়াৰ লগতে বহু গণ্য -মান্য ব্যক্তি উপস্থিত থাকে।

assam govt Ranjeet Kumar Dass