কামপুৰত কপিলী মাথাউৰিৰ আধাৰশিলা স্থাপন জলসম্পদ মন্ত্ৰী পীয়ুষ হাজৰিকাৰ

ডিজিটেল সংবাদ, কামপুৰ : অসমৰ মুখ্যমন্ত্ৰী ড০ হিমন্তবিশ্ব শৰ্মাৰ জন্মদিন উপলক্ষে গৌৰৱময় উন্নয়নৰ এটা সপ্তাহ অনুষ্ঠানত কামপুৰত উপস্থিত হয় জলসম্পদ বিভাগৰ মন্ত্ৰী পীযুষ হাজৰীকা । বিগত বানত ৰহা- কামপুৰ সংযোগী পথৰ বগলাজানত লোকনিৰ্মান বিভাগৰ মূল পথটি খহি যোৱাত ১৭ কোটি টকা ব্যয়ৰে কপিলী নৈৰ মথাউৰি নিৰ্মাণৰ বাবে আধাৰশিলা স্থাপন কৰে মন্ত্ৰীগৰাকীয়ে।

লগতে ৪০ কোটি টকা ব্যয়ৰে কামপুৰ কপিলী নৈৰ চাংচকী, গাৰোখুন্দাকে ধৰি কেইবাটাও মথাউৰি নিৰ্মানৰ আধাৰশিলা স্থাপন কৰে মন্ত্ৰী হাজৰীকাই । মাংগলিক কাৰ্য্যসূচীৰে আনুষ্ঠানিকভাৱে শুভাৰম্ভ কৰি চৰকাৰ তথা মুখ্যমন্ত্ৰীৰ উন্নয়নক শলাগ লয় মন্ত্ৰীগৰাকীয়ে । 

আনহাতে বঢ়মপুৰ সমষ্টিৰ কামপুৰৰ এখন ৰাজহুৱা সভাত অংশগ্ৰহণ কৰে মন্ত্ৰীগৰাকীয়ে ৷ উল্লেখ্য যে, ৰহা সমষ্টিৰ ৰাইজক বিধায়ক বনোৱাৰ বাবে ধন্যবাদ দি আজীৱন মনত ৰাখিম বুলি ভাষণ প্ৰসংগত উল্লেখ কৰে মন্ত্ৰী হাজৰীকাই।