কোকৰাঝাৰত জেহাদীৰ ঘাটিৰ পৰা বৃহৎ পৰিমাণৰ অস্ত্ৰ উদ্ধাৰ…

ডিজিটেল সংবাদ, কোকৰাঝাৰঃ কোকৰাঝাৰত আৰক্ষীয়ে অভিযান চলায় জব্দ কৰিবলৈ সক্ষম হয় বৃহৎ পৰিমাণৰ মজুত কৰি ৰখা অস্ত্ৰ । আটকাধীন জেহাদী আবুল জহৰ শ্বেখ (৩০)ৰ স্বীকাৰোক্তিৰ ভিত্তিত উদ্ধাৰ বহু পৰিমাণৰ বিস্ফোৰক, অস্ত্ৰ-গুলী-বাৰুদ ।

উল্লেখযোগ্য যে কোকৰাঝাৰৰ জয়পুৰ, নামাপাৰাৰ পৰা উদ্ধাৰ কৰা হয় অস্ত্ৰ-শস্ত্ৰ সমূহ ।

অভিযানকালত চাৰিটা হস্তনিৰ্মিত ৰাইফল, ৩৪ জাঁই সজীৱ গুলী, ২৪টা খালী কাৰ্টুজ উদ্ধাৰ কৰে অভিযানকাৰী দলে । আইইডি নিৰ্মাণৰ বাবে ব্যৱহৃত হোৱা সামগ্ৰীও উদ্ধাৰ কৰে দলটোৱে ।

উল্লেখ্য যে যোৱা ১৭ ডিচেম্বৰত কোকৰাঝাৰৰ বিভিন্ন প্ৰান্তত জেহাদীৰ বিৰুদ্ধে অভিযান চলাই এচটিএফে কেইবাজনো জেহাদীক আটক কৰিছিল ।

১৮ ডিচেম্বৰত আটকাধীন জেহাদীকেইটাক এচটিএফে অধিক সোধপোছৰ বাবে গুৱাহাটীলৈ প্ৰেৰণ কৰিছিল ।

আটকাধীন জেহাদী আবুল জহৰ শ্বেখ (৩০)ৰ স্বীকাৰোক্তিৰ ভিত্তিত কোকৰাঝাৰৰ জয়পুৰ, নামাপাৰাৰ পৰা অস্ত্ৰ-শস্ত্ৰ সমুহ উদ্ধাৰ কৰা হয় বুলি ডিজিপিয়ে বুধবাৰে এক্সযোগে প্ৰকাশ কৰিছে ।