ৰুষ্ট প্ৰকৃতিৰ ৰোষত ভেনিজুৱেলাঃ ভূমিস্খলনত নিহত ২২, সন্ধানহীন অৰ্ধশতাধিক...

ডিজিটেল ডেস্কঃ এক ভয়ংকৰ ভূমিস্খলনত অতি কমেও ২২ জন লোকৰ মৃত্যু হোৱা ঘটনাই শোকৰ ছাঁ পেলাইছে ভেনিজুৱেলাত। ভেনিজুৱেলাৰ লাছ তেজেৰিয়াছত সংঘটিত হৈছে এই কৰুণ ঘটনা।

ধাৰাসাৰ বৰষুণৰ বাবেই এই তেজেৰিয়াছত সংঘটিত হৈছে ভূমিস্খলনৰ ঘটনা। ভেনিজুৱেলাৰ স্থানীয় সংবাদ প্ৰতিষ্ঠানৰ বাতৰি অনুসৰি ভূমিস্খলত আৱদ্ধ হৈ থকা লোকসকলক উদ্ধাৰৰ বাবে উদ্ধাৰ অভিযান অব্যাহত আছে। এতিয়াও সন্ধানহীন হৈ আছে প্ৰায় অৰ্ধ শতাধিক লোক। ভূমিস্খলনৰ ফলত ধ্বংস হৈছে বহু বাসগৃহ, ধাৰাসাৰ বৰষুণৰ ফলত বৃদ্ধি পাইছে কেইবাখনো নদীৰ জলপৃষ্ঠ।

স্থানীয় এজন বিষয়াৰ মন্তব্য অনুসৰি- যোৱা ৩০ বছৰত লাছ তেজেৰিয়াছৰ সৰ্ববৃহৎ নদীৰ জলস্তৰ বৃদ্ধি হৈ বিভিন্ন অঞ্চল প্লাবিত কৰি তুলিছে। ইয়াৰ পূৰ্বে ১৯৯৯ চনত ভাাৰ্গাচ চহৰত এক ভয়ংকৰ ভূমিস্খলন হৈছিল । য'ত ১০ হাজাৰ লোকৰ মৃত্যু হৈছিল।