লখিমপুৰ জিলা সাংবাদিক সংস্থাৰ নতুন সমিতি গঠন

লখিমপুৰ জিলাৰ সাংবাদিক সকলৰ উমৈহতীয়া মঞ্চ হৈছে লখিমপুৰ জিলা সাংবাদিক সংস্থা। জিলাখনৰ সাংবাদিক সকলৰ এই উমৈহতীয়া মঞ্চৰ গৰিষ্ঠ সংখ্যকৰ উপস্থিতিত শুক্ৰবাৰে প্ৰতিনিধি আৰু বিষয় বাছনি সভাখন বান্দৰদেৱা প্ৰেছ ক্লাৱৰ আতিথ্যত অনুষ্ঠিত হয়।

author-image
Asomiya Pratidin
New Update
gfgfgfgfgfg

ডিজিটেল সংবাদ, ঢকুৱাখনাঃ লখিমপুৰ জিলাৰ সাংবাদিক সকলৰ উমৈহতীয়া মঞ্চ হৈছে লখিমপুৰ জিলা সাংবাদিক সংস্থা। জিলাখনৰ সাংবাদিক সকলৰ এই উমৈহতীয়া মঞ্চৰ গৰিষ্ঠ সংখ্যকৰ উপস্থিতিত শুক্ৰবাৰে প্ৰতিনিধি আৰু বিষয় বাছনি সভাখন বান্দৰদেৱা প্ৰেছ ক্লাৱৰ আতিথ্যত অনুষ্ঠিত হয়। হাৰমতীৰ ষ্টাৰ লাইন হোটেলত অনুষ্ঠিত হোৱা সভাত জিলাখনৰ অৰ্ধ শতাধিক সাংবাদিক প্ৰতিনিধি আৰু সদস্য উপস্থিত থাকে।

পুৱা সংস্থাৰ পতাকা উত্তোলন কৰাৰ পাছতে অনুষ্ঠিত হয় অন্তিমখন কাৰ্যনিৰ্বাহক সভা। ইয়াৰ পাছতেই অনুষ্ঠিত প্ৰতিনিধি আৰু বিষয় বাছনি সভাত পৰ্যবেক্ষক হিচাবে উপস্থিত থাকে অসম বার্তাজীৱী সংঘৰ কাৰ্যনিৰ্বাহক সদস্য ভাস্কৰ জ্যোতি শৰ্মা আৰু অশ্বিনী দুৱৰা। অসম বার্তাজীৱী সংঘৰ উত্তৰ পূব মণ্ডলৰ সম্পাদক জগত বৰাই উদ্বোধন কৰা প্ৰতিনিধি সভাত উদ্দেশ্য ব্যাখ্যা কৰে জিলা সংস্থাৰ সম্পাদক মুকুল ভূঞাই। 

জ্যেষ্ঠ সাংবাদিক চিত্ৰ নাথ গগৈ, নৱজিৎ শৰ্মা,টুটুমনি ফুকন, দিগন্ত সোণোৱালে অংশগ্ৰহণ কৰা প্ৰতিনিধি সভা সঞ্চালনা কৰে ভাৰপ্ৰাপ্ত জিলা সভাপতি কুমুদ বৰুৱাই। সম্পাদক মুকুল ভূঞাই ২০২৩-২০২৫ বর্ষৰ সম্পাদকৰ প্ৰতিবেদন পাঠৰ পাছতে হিচাব পৰীক্ষকৰ প্ৰতিবেদন পাঠ কৰে কোষাধক্ষ দিগন্ত সোনোৱালে। সভাত বার্তাজীৱী সংঘৰ সদস্য ভাস্কৰ জ্যোতি শৰ্মাই সাংগঠনিক দিক নিৰ্দেশনা সন্দৰ্ভত বিশ্লেষণাত্মক বক্তব্য আগবঢ়ায়। তেওঁ মাজিঠিয়া ৱাজ বৰ্ডৰ লগতে শ্ৰমিক আইন সন্দৰ্ভত বিস্তৃত অৱলোকন কৰে। 

পৰৱৰ্তী সময়ত অনুষ্ঠিত প্ৰতিনিধি সভাই প্ৰেছ ক্লাব আৰু প্ৰেছ গ্ৰীল্ড সমূহৰ সহমতৰ ভিত্তিত পৰ্যবেক্ষক সকলৰ উপস্থিতিত এখন  শক্তিশালী জিলা সমিতি গঠন কৰা হয় । সভাই কুমুদ বৰুৱাক সভাপতি, অমৃত পৱন বৰাক কাৰ্যকৰী সভাপতি, জগত বৰাক সাধাৰণ সম্পাদক, বাবুল আহমেদক কোষাধক্ষ্য, মানৱ জ্যোতি শইকীয়াক কাৰ্য্যালয় সম্পাদক মাধুৰ্য দাস ,মনোজ বৰপাত্ৰ গোঁহাইক পত্ৰিকা সম্পাদক হিচাবে লৈ এখন শক্তিশালী জিলা সমিতি গঠন কৰা হয়।

সাংবাদিক