লাহৰীঘাটত দুই পঞ্চায়ত সদস্যৰ পদ খাৰিজ...

ডিজিটেল সংবাদ মৈৰাবাৰী: লাহৰীঘাটত বাল্য বিবাহত জড়িত দুই পঞ্চায়ত সদস্যৰ পদ খাৰিজ। লাহৰীঘাট উন্নয়ন খণ্ডৰ অন্তৰ্গত দলৈগাঁও গাওঁ পঞ্চায়তৰ ৫ নং ৱাৰ্ডৰ নিৰ্বাচিত সদস্য শ্বৰিফুল ইছলাম আৰু ৭ নং ৱাৰ্ডৰ নিৰ্বাচিত সদস্যা ছামচুন নেহাৰৰ সদস্যা পদ খাৰিজ।

লাহৰীঘাট সম জিলাৰ কাৰ্যবাহী দণ্ডাধীশ প্ৰমোদ শৰ্মাৰ তদন্ত প্ৰতিবেদনৰ ভিত্তিত জিলা আয়ুক্তই খাৰিজ কৰে দুয়োৰে সদস্য পদ। মৰিগাঁও জিলা আয়ুক্ত অনামিকা তিৱাৰীয়ে  এক নিৰ্দেশ যোগে দুয়ো গৰাকী সদস্যৰ পদ খাৰিজ কৰে।