মানকাচৰত `এক দেশ এক নিৰ্বাচন’ক লৈ প্ৰতিক্ৰিয়া মন্ত্ৰী কেশৱ মহন্তৰ…..

ডিজিটেল ডেস্কঃ বিভিন্ন কাৰ্যসূচী ৰূপায়নৰ বাবে মঙলবাৰে মানকাচৰত উপস্থিত হয় মন্ত্ৰী কেশৱ মহন্ত। সাংবাদিকৰে হোৱা কথা বাৰ্তাত তেওঁ 'এক দেশ এক নিৰ্বাচন' প্ৰসংগৰো উত্থাপন কৰে । দেশত জৰুৰীকালীন অৱস্থা প্ৰৱৰ্তন কৰা কংগ্ৰেছে এক দেশ এক নিৰ্বাচনত বিৰোধিতা কৰাটো ডাঙৰ কথা নহয় বুলিও উল্লেখ কৰে তেওঁ ।

মন্ত্ৰীগৰাকীয়ে লগতে উল্লেখ কৰে যে 'এক দেশ এক নিৰ্বাচন'ৰ বাবে পাঁচ বছৰৰ মূৰত একেলগে বিধানসভা আৰু লোকসভাৰ সদস্যৰ বাবে ভোট দিব পাৰিব দেশৰ জনগণে ।

উল্লেখযোগ্য যে মানকাচৰত কেইবাখনো চৰকাৰী আঁচনিৰ শুভ উদ্ধোধনৰ বাবে মন্ত্ৰী গৰাকী উপস্থিত হৈছে মানকাচৰত । মেঘালয়ৰ তুৰা হৈ মানকাচৰত মন্ত্ৰী গৰাকী উপস্থিত হৈ অগপৰ জিলা মুখ্য কাৰ্যালয়ত দলীয় কৰ্মীৰ সৈতে পঞ্চায়ত নিৰ্বাচনক লৈ আলোচনা কৰে ।

মন্ত্ৰীগৰাকী দলীয় কৰ্মীৰ সৈতে আলোচনাৰ অন্তত হাটশিঙিমাৰী আৱৰ্ত ভৱনত উপস্থিত হয় । ১৮ ডিচেম্বৰত কেইবাটাও চৰকাৰী কাম আৰু এখন দলীয় কৰ্মী সভাত অংশগ্ৰহণ কৰিব মন্ত্ৰী কেশৱ মহন্তই ।