ডিজিটেল সংবাদ ,বেবেজীয়াঃ নগাঁও জিলাৰ ফুলগুৰিৰ ৩৭ নং ৰাষ্ট্ৰীয় ঘাইপথৰ কাষতে ঐতিহাসিক শ্ৰী শ্ৰী চেংলাই সত্ৰত মঙলবাৰে পৰম্পৰাগত ভাৱে সম্পূৰ্ণ আধ্যাত্মিকতাৰ মাজেৰে কাতি বিহু আৰু আকাশ বন্তি প্ৰজলন কৰে ৷
উল্লেখ্য যে, দামোদৰ দেৱৰ আজ্ঞাবাহি আহোম ৰজা স্বৰ্গদেউ ৰাজেশ্বৰ সিংহৰ ৰাজ অনুগ্ৰহত প্ৰতিষ্ঠা হোৱা ব্ৰহ্মসংহাৰত শ্ৰী শ্ৰী চেংলাই সত্ৰত পৰম্পৰাগতভাৱে কাতি বিহু উৎযাপন কৰে ৷ সত্ৰীয়া ভকত-বৈষ্ণৱৰে আকাশ বন্তি প্ৰজ্বলনৰ কৰে ৷
অনুষ্ঠানত সত্ৰাধিকাৰ জগত চন্দ্ৰ গোস্বামীদেৱে সত্ৰৰ ইতিবৃত্তি চমুকৈ ব্যাখ্যা কৰি কয় যে, আদিতে এই সত্ৰখন মাজুলীত অৱস্থিত আছিল ৷ পৰৱৰ্তী সময়ত ৰজাৰ আদেশত নগাঁও জিলাৰ জখলাবন্ধালৈ স্থানান্তৰিত হয় ৷
তাৰ পাছত মানৰ অসম আক্ৰমণৰ সময়ত সত্ৰখন বেবেজীয়া সমীপৰ ফুলগুৰিত প্ৰতিষ্ঠা কৰে ৷ বৰ্তমান নগাঁও জিলাৰ যিকেইখন সত্ৰই কাতি মাহত আকাশ বন্তি প্ৰজ্বলন কৰে তাৰ ভিতৰত ফুলগুৰিস্থিত শ্ৰী শ্ৰী চেংলাই সত্ৰও অন্যতম ৷
আজিৰ এই অনুষ্ঠানত সত্ৰীয়া তথা শিক্ষাবিদ মহেশ্বৰ গোস্বামী, সমাজকৰ্মী পদ্ম গোস্বামী,ড০ প্ৰদুম্ন্য গোস্বামী,জয়ন্ত গোস্বামী,সত্ৰৰ হাতী মতা অৰুণ ফুকন,মনুৰাম ফুকন,প্ৰদীপ হীৰা,ৰন্তেশ্বৰ বৰদলৈ , দৈনিক অসম ৰ কাকতৰ উপ সম্পাদক হীৰেন শৰ্মা, সমাজকৰ্মী বসন্ত শৰ্মা প্ৰমুখ্যে কৰি সত্ৰৰ আন আন ভকত-বৈষ্ণৱ সকল উপস্থিত থাকে ৷
