/asomiyapratidin/media/media_files/2025/08/01/kanaklata-1-2025-08-01-20-54-46.jpg)
ডিজিটেল সংবাদ জামুগুৰিহাটঃ শোণিতপুৰ জিলাৰ বালিপৰাত মেঘালয়ৰ এজন যুৱকৰ ৰহস্যজনক মৃত্যু৷ বালিপৰাৰ খেলমাটিৰ এটি পুনৰ সংস্থাপন কেন্দ্ৰত সংঘটিত হৈছে এই ঘটনা৷
প্ৰায় চাৰিমাহৰ পূৰ্বেই বালিপৰাৰ কামধেনু নামৰ এই পুনৰ সংস্থাপন কেন্দ্ৰত ৰখা হৈছিল মেঘালয় তুৰা অঞ্চলৰ অলিভাৰ চাংমা নামৰ প্ৰায় ২৬ বছৰীয়া যুৱকজনক৷ সুৰাসক্ত চাংমাৰ যোৱা কিছু দিনৰ পৰা স্বাস্থ্যৰ অৱনতি ঘটিছিল৷
বৃহস্পতিবাৰে অধিক অৱনতি ঘটাত চাৰিদুৱাৰ চিকিৎসালয়ৰ চিকিৎসক তথা পুনৰ সংস্থাপন কেন্দ্ৰটোৰো চিকিৎসক ডাঃ অমিত গিৰিয়ে চিকিৎসা প্ৰদান কৰে যদিও যুৱকজনৰ মৃত্যু হয়৷ আজি আৰক্ষীক বিষয়টো অৱগত নকৰাকৈয়ে তেজপুৰ কনকলতা অসামৰিক চিকিৎসালয়লৈ নিয়ে যুৱক জনৰ মৃতদেহ৷
অতি গোপনে AS-07-N- 4315 নম্বৰৰ বাহনৰে নিয়া হয় মৃতদেহ৷ কেন্দ্ৰটোৰ লোকসকলে যুৱকজনক চিকিৎসালয়লৈ নিয়াৰ অৱস্থাতে মৃত্যু হোৱা বুলি উল্লেখ কৰিলেও যুৱকজনৰ মৃত্যুৰ চাৰি/পাঁচ ঘন্টাৰ আগেয়েই হৈছে৷ পিছতহে কেন্দ্ৰটোৰ কৰ্তৃপক্ষই আৰক্ষীৰ সৈতে যোগাযোগ কৰে৷
মৃত যুৱক জনৰ পৰিয়ালৰ লোকে অৱগত হৈছে নে নাই সেয়াও ৰহস্য জনক৷ মুঠৰ ওপৰত ৰহস্যৰ আৱৰ্তত যুৱকজনৰ মৃত্যু৷ ইফালে চৰকাৰী চিকিৎসক কিদৰে ব্যক্তিগত পুনৰ সংস্থাপন কেন্দ্ৰত চিকিৎসক হিচাপে নিয়োজিত হৈ থাকে সেয়াও আন এক ৰহস্যৰ বিষয়৷