"মই প্ৰধানমন্ত্ৰী মোদীক প্ৰেৰণাৰ দৃষ্টিৰে চাওঁ"

ডিজিটেল ডেস্ক: প্ৰধানমন্ত্ৰী মোদীৰ প্ৰশংসাৰে উপচাই পেলালে বলিউড অভিনেত্ৰী কাজলে। "আমাৰ প্ৰধানমন্ত্ৰী সঠিক অৰ্থতে বিশ্ববিখ্যাত, সমগ্ৰ বিশ্বই স্বীকাৰ কৰে এই কথা। আনকি মইও প্ৰধানমন্ত্ৰী মোদীক প্ৰেৰণাৰ দৃষ্টিৰে চাওঁ" বুলি উল্লেখ কৰে মোহময়ী অভিনেত্ৰীগৰাকীয়ে। 

কাজলে লগতে সদৰী কৰে, "যিসকল লোকক মই বিখ্যাত বুলি বিবেচনা কৰোঁ, তেওঁলোক হ'ব মই সন্মান কৰা লোকসকল। তেওঁলোক জনপ্ৰিয়। মই আমাৰ প্ৰধানমন্ত্ৰী নৰেন্দ্ৰ মোদীৰ পৰা আৰম্ভ কৰিম। তেওঁ এনেকুৱা এজন ব্যক্তি যাক মই সঁচাকৈয়ে উচ্চ দৃষ্টিৰে চাওঁ আৰু মই জানো যে তেওঁ হুবহু সঠিক কাৰণত বিখ্যাত।"

উল্লেখযোগ্য যে, প্ৰধানমন্ত্ৰী নৰেন্দ্ৰ মোদীয়ে ২০৪৭ চনৰ ভিতৰত ভাৰতৰ যুৱক-যুৱতীসকলৰ শক্তিক ভাৰতৰ বিকাশ যাত্ৰাৰ চালিকা শক্তি হিচাপে উদযাপন কৰা ৰাইজিং ভাৰত সন্মিলনত ভাষণ দিয়ে। ৪২ কোটি যুৱ মনৰ সৈতে জাতিটোৰ ভৱিষ্যত গঢ় দিয়া হৈছে, তেওঁলোকৰ আকাংক্ষা, উদ্ভাৱন আৰু শক্তিয়ে সম্ভৱপৰ কথাক পুনৰ সংজ্ঞায়িত কৰিছে – “আকাংক্ষা, অৰ্জন, আৰোহণ” বুলি উল্লেখ কৰে প্ৰধানমন্ত্ৰীয়ে। এই অধিৱেশনতে কাজলে শ্ব’বিজ জগতৰ অংশ হোৱাৰ কথা উল্লেখ কৰে। তেওঁ কিয় বলিউডত কম কাম কৰিবলৈ বাছি লৈছিল সেই কথাও বুজাই দিলে। "মই গোটেই চলচ্চিত্ৰ জগতখনৰ ভিতৰতে কম কাম কৰা অভিনেত্ৰী। মই ভাবো মোৰ ফিল্ম'গ্ৰাফী ৫০-৫৫খন ছবি।"