ডিজিটেল সংবাদ মাধ্যম আৰু সাংবাদিকলৈ স্বীকৃতি…

ডিজিটেল ডেস্ক: প্ৰথমবাৰৰ বাবে, ডিজিটেল সংবাদ মাধ্যমৰ বাবে কাম কৰা সাংবাদিক সকলক নতুন কেন্দ্ৰীয় মাধ্যম স্বীকৃতি নিৰ্দেশনা 2022-ৰ অধীনত স্বীকৃতি দিয়া হ'ব। সাংবাদিকসকল অথবা সংবাদ মাধ্যমৰ বাবে 'নতুন কেন্দ্ৰীয় মাধ্যম স্বীকৃতি নিৰ্দেশনা ২০২২'-ৰ অধীনত জাৰি কৰা হৈছে নতুন নিৰ্দেশনা। সোমবাৰে তথ্য আৰু সম্প্ৰচাৰ মন্ত্ৰালয়ৰ প্ৰেছ ইনফৰমেছন ব্যুৰোত এই তথ্য প্ৰকাশ পায়।

চৰকাৰে সাংবাদিকসকলৰ স্বীকৃতিৰ ওপৰত এক নতুন নীতিৰ অধীনত সংবাদ মাধ্যমৰ বাবে কেইবাটাও নীতি-নিৰ্দেশনা জাৰি কৰিছে।

কেন্দ্ৰীয় মাধ্যম স্বীকৃতি নিৰ্দেশনা 2022ৰ নিৰ্দেশনাত কয় যে দেশৰ "নিৰাপত্তা, সাৰ্বভৌমত্ব আৰু অখণ্ডতা" আৰু লগতে "ৰাজহুৱা শৃংখলা, শালীনতা বা নৈতিকতা"ৰ প্ৰতি বিৰোধী ধৰণে কাম কৰা সাংবাদিকসকলে তেওঁলোকৰ চৰকাৰী স্বীকৃতি হেৰুৱাব। '

ডিজিটেল মাধ্যম সন্দৰ্ভতো কেইবাটাও নিৰ্দেশনা জাৰি কৰা হৈছে। নীতি অনুসৰি, যিকোনো অনলাইন প্লেটফৰ্ম এবছৰতকৈ অধিক পুৰণি হ'ব লাগে আৰু ৱেবছাইটটোত ভাৰতত এটা পঞ্জীভুক্ত কাৰ্যালয় থাকিব লাগিব। দিল্লী বা ৰাষ্ট্ৰীয় ৰাজধানী অঞ্চলত তেওঁলোকৰ সাংবাদিক থাকিব লাগিব। যদি আবেদনকাৰীয়ে প্ৰদান কৰা তথ্য অশুদ্ধ বুলি জানিব পৰা যায়, তেন্তে তেওঁ পৰৱৰ্তী তিনি বছৰৰ বাবে স্বীকৃতিৰ বাবে আবেদন কৰিব নোৱাৰিব।

তদুপৰি যদি কোনো সাংবাদিকে তেওঁৰ সংবাদ মাধ্যম সন্দৰ্ভত ভুল তথ্য জমা কৰে তেন্তে তেওঁৰ মান্যতা ক'মেও দুবছৰ আৰু অধিকতম ৫ বছৰৰ বাবে হেৰুৱাব।তদুপৰি তেওঁলোকে কোনো ধৰণৰ কাৰ্ডত "ভাৰত চৰকাৰৰ দ্বাৰা মান্যতা প্ৰাপ্ত" বুলি লিখিব নোৱাৰিব।

উল্লেখ্য যে,  প্ৰথমবাৰৰ বাবে, মিডিয়া গোটবোৰৰ বাবে একত্ৰিত কোটা প্ৰত্যাখ্যান কৰিছে। ইয়াৰ পৰিৱৰ্তে, ব্যক্তিগত সংগঠনবোৰৰ বাবে তেওঁলোকৰ প্ৰচলন, দৰ্শক বা সদস্যতাৰ সংখ্যাৰ ওপৰত আধাৰিত কৰি কোটা নিৰ্ধাৰণ কৰা হৈছে। ইয়াৰ ফলত আগবাঢ়ি যোৱা স্বীকৃত ব্যক্তিৰ সংখ্যা তীব্ৰভাৱে হ্ৰাস হোৱাৰ সম্ভাৱনা আছে।