অসমত মানৱকেন্দ্ৰিক ব্যৱসায়িক সংস্কৃতিৰ পথ প্ৰদৰ্শন জিঅ'ৰঃ শিক্ষাৰ্থী, অভিভাৱকক সম্বৰ্ধনা

ডিজিটেল ডেস্কঃ এক প্ৰেছ বিজ্ঞপ্তিৰ জৰিয়তে জিঅ’য়ে কয়- দক্ষ কৰ্মী লাভ কৰাৰ প্ৰতিযোগিতাৰ মাজত অসমত ৰিলায়েঞ্চ জিঅ’য়ে নিজৰ এক বিশেষ স্থান নিৰ্মাণ কৰিছে। কেৱল ডিজিটেল সেৱাতেই নহয়, জিঅ’য়ে নিজ কৰ্মচাৰীৰ প্ৰতি গভীৰ দায়িত্ববোধ আৰু সংবেদনশীল দৃষ্টিভংগীৰে আগবঢ়াইছে এক নতুন দৃষ্টান্ত।

সম্প্ৰতি, জিঅ’ অসমৰ উদ্যোগত, CBSE আৰু ৰাজ্যিক পৰীক্ষাত শীৰ্ষ স্থান লাভ কৰা কৰ্মচাৰীৰ সন্তানসকলক সম্বর্ধনা জনোৱাৰ এক অনুষ্ঠান আয়োজন কৰে। এই অনুষ্ঠানত, বহু কেইগৰাকী কৃতী ছাত্ৰ-ছাত্ৰীক তেওঁলোকৰ পিতৃ-মাতৃৰ উপস্থিতিত সন্মানিত কৰা হয়।

এই অনুষ্ঠানত কেৱল শৈক্ষিক সফলতাৰেই নহয়, পৰিয়ালৰ মূল্য, পৰিশ্ৰম আৰু উদ্যমৰ মূল্যায়নো কৰা হয়—যি জিঅ’ পৰিয়ালৰ এক অবিচ্ছেদ্য অংশ। তাৰোপৰি, জিঅ’য়ে ফাদাৰ্ছ ডে’ উপলক্ষে এক বিশেষ কাৰ্যসূচীৰো আয়োজন কৰে। য’ত কৰ্মচাৰীৰ পিতৃসকলক গুৱাহাটী কাৰ্যালয়লৈ নিমন্ত্ৰণ জনোৱা হয়।

এই উপলক্ষে অনুষ্ঠানত অংশগ্ৰহণ কৰা পিতৃসকলে নিজৰ সন্তানৰ কৰ্মপথ প্ৰত্যক্ষ কৰিবলৈ সক্ষম হয়। সেয়া আছিল গৰ্ব, সংযোগ আৰু কৃতজ্ঞতাৰ এক স্মৰণীয় মুহূর্ত। এই অনুষ্ঠানবোৰ কেৱল এক উৎসৱ নহয়—এইবোৰ জিঅ’ৰ অন্তৰ্নিহিত মানৱ-কেন্দ্ৰিক সংস্কৃতি আৰু ‘কৰ্মচাৰী আৰু তেওঁলোকৰ পৰিয়াল’ৰ প্ৰতি থকা প্ৰতিশ্ৰুতিৰ প্ৰতিফলন।

জিঅ’ই বিশ্বাস কৰে, প্ৰতিজন পেচাদাৰী ব্যক্তিৰ পিছত এটা পৰিয়াল থাকে, যিসকলৰ অৱদানোকো সমানভাৱেই মান্যতা প্ৰদান কৰা উচিত। এই ধৰণৰ কাৰ্যসূচীৰ বাবেই জিঅ’য়ে ২০২৪ চনত “Great Place to Work” স্বীকৃতি লাভ কৰাৰ উপৰিও, AmbitionBox ৰেটিঙত ভাৰতৰ সৰ্বশ্ৰেষ্ঠ Mega Company হিচাপে স্বীকৃতি লাভ কৰিছে।

অসম চৰকাৰৰ জনকল্যাণমূলক উদ্দেশ্যৰ সৈতে খোজ দি, জিঅ’য়ে স্বাস্থ্য আৰু পথ সুৰক্ষা সম্পৰ্কে অভ্যন্তৰীণ সচেতনতা অভিযানো চলাই আছে—যি কৰ্মচাৰীৰ সু-স্বাস্থ্য আৰু সামূহিক নিৰাপত্তালৈ এক গুৰুত্বপূৰ্ণ পদক্ষেপ। এই সকলো চেষ্টা, ৰিলায়েঞ্চ ইণ্ডাষ্ট্রিজ লিমিটেডৰ বৃহত্তৰ দৃষ্টিভংগীৰ অংশ।