চতিয়াৰ পথ দুৰ্ঘটনাত গুৰুত্বৰভাৱে আঘাতপ্ৰাপ্ত যুৱকৰ মৃত্যু

ডিজিটেল সংবাদ, জামুগুৰিহাটঃ চতিয়াৰ কৰৈয়নীৰ পেট্ৰল পাম্পৰ সন্মুখত শুকুৰবাৰে সংঘটিত হৈছিল এক ভয়ংকৰ পথ দুৰ্ঘটনা। মটৰ চাইকেলৰ লগত এখন ট্ৰেক্টৰৰ মুখামুখি সংঘৰ্ষৰ ফলত গুৰুত্বৰভাৱে আঘাতপ্ৰাপ্ত হৈছিল ছাইদুল ইছলাম নামৰ যুৱকজন। 

যুৱকজনক ততাতৈয়াকৈ তেজপুৰ চিকিৎসা মহাবিদ্যালয়ত প্ৰাথ্যমিক চিকিৎসা প্ৰদান কৰি উন্নত চিকিৎসাৰ বাবে চিকিৎসকে গুৱাহাটী চিকিৎসা মহাবিদ্যালয়লৈ প্ৰেৰণ কৰিছিল।

পিছে চিকিৎসাধীন অৱস্থাতে কৰুণ মৃত্যুক সাৱটি লয় ছাইদুল ইছলামে। যুৱকজনৰ মৃত্যুত অঞ্চলজুৰি পৰিছে শোকৰ ছাঁ।