মন্ত্ৰী জয়ন্ত মল্ল বৰুৱাই সাংবাদিকক কৰা তাচ্ছিল্যসূচক মন্তব্যক গৰিহণা জাফাৰ

ডিজিটেল সংবাদ, গুৱাহাটীঃ মন্ত্ৰী জয়ন্তমল্ল বৰুৱাই সংবাদ মেলত সাংবাদিকক কৰা তাচ্ছিল্যসূচক মন্তব্যক জাৰ্নালিষ্ট এছোচিয়েচন ফৰ আসাম চমুকৈ জাফায়ে তীব্ৰ ভাষাৰে গৰিহণা দিয়ে ৷ 

মন্ত্ৰী গৰাকীয়ে নিজে সাংবাদিকক মাতি তলৰ শ্ৰেণীৰ মানুহৰ লগত কথা নাপাতো বুলি কৰা বিৰূপ মন্তব্য ধিক্কাৰৰযোগ্য বুলি উল্লেখ কৰে জাফাই ৷ মন্ত্ৰী গৰাকীৰ এই মন্তব্য কেতিয়াও গ্ৰহণযোগ্য নহয় ৷ জাফাৰ পৰা মন্ত্ৰী জয়ন্ত মল্ল বৰুৱাক অতি শীঘ্ৰে ক্ষমা খোজাৰ লগতে অনাগত দিনত এনে ধৰণৰ বিৰূপ মন্তব্য কৰাৰ পৰা বিৰত থাকিবলৈ সকীয়নি প্ৰদান কৰে৷