আন্তজাৰ্তিক পুৰুষ দিৱস ২০২২: ইতিহাস আৰু তাৎপৰ্য
ডিজিটেল ডেস্ক: আজি আন্তৰ্জাতিক পুৰুষ দিৱস। প্ৰতি বছৰে ১৯ নৱেম্বৰত ঘৰখনৰ লগতে সমাজ আৰু কৰ্মক্ষেত্ৰলৈ পুৰুষসকলে আগবঢ়োৱা অৱদানৰ বাবে তেওঁলোকক সন্মান আৰু প্ৰশংসা কৰাৰ বাবে এই দিৱসে আমাক এটা সুযোগ প্ৰদান কৰে।।এই বছৰৰ আন্তৰ্জাতিক পুৰুষ দিৱস পালনৰ বিষয়বস্তু হৈছে ‘পুৰুষ তথা ল'ৰাসকলক সহায় কৰা’ কৰা।য’ত স্বাস্থ্যৱান পুৰুষৰ আদৰ্শৰ প্ৰচাৰ আৰু পুৰুষৰ স্বাস্থ্যৰ বিষয়ে জনসাধাৰণক শিক্ষিত কৰাত গুৰুত্ব দিয়া হৈছে। এই দিনটো উদযাপনৰ আঁৰত বহু তাৎপৰ্য আৰু ইতিহাস জড়িত হৈ আছে।
আন্তৰ্জাতিক পুৰুষ দিৱসৰ ইতিহাস
কাৰিবিয়ান দেশ ত্ৰিনিদাদ এণ্ড তবাগ’ৰ ইতিহাস বিভাগৰ অধ্যাপক ড০ জেৰ’ম টিলাকসিঙে ১৯৯৯ চনৰ ১৯ নৱেম্বৰত পোন প্ৰথমবাৰৰ বাবে আন্তৰ্জাতিক পুৰুষ দিৱস পালন কৰিছিল। অৱশ্যে, আন্তৰ্জাতিক পুৰুষ দিৱস প্ৰতিষ্ঠা কৰাৰ সংগ্ৰাম প্ৰায় ১৯৬০চনৰ আৰম্ভণিৰ পৰা আৰম্ভ হৈছিল।
একাংশ লোকে ২৩ ফেব্ৰুৱাৰীৰ দিনটোত আন্তৰ্জাতিক পুৰুষ দিৱস হিচাপে নিৰ্ধাৰণ কৰিবলৈ প্ৰচাৰ চলাই আছিল।ইফালে,৮ মাৰ্চত পালন কৰা আন্তৰ্জাতিক মহিলা দিৱস। ২৩ ফেব্ৰুৱাৰীৰ পৰা ৮ মাৰ্চলৈ বেছি দিনৰ অন্তৰ নাই।।দুয়োটা দিৱস ওচৰা-ওচৰিকৈ পালন কৰিলে পুৰুষ-মহিলাৰ দিৱস পালন কৰাৰ প্ৰতিযোগিতা কৰাৰ লেখিয়া হয়।সেয়েহে ড০ জেৰ’ম টিলাকসিঙে এই দিৱসটো পালন কৰি যে আন্তৰ্জাতিক মহিলা দিৱসৰ সৈতে প্ৰতিযোগিতা কৰিবলৈ চেষ্টা কৰা নাই সেই বিষয়ে স্পষ্ট কৰে।ইয়াৰ পৰিৱৰ্তে, তেওঁলোকে সেই বিশেষ দিনটোত পুৰুষৰ সফলতা সন্দৰ্ভত আলোকপাতহে কৰিব বুলি জানিবলৈ দিয়ে।ড০ টিলাকসিঙৰ মতে, আন্তৰ্জাতিক পুৰুষ দিৱসৰ ধাৰণা আৰু বিষয়বস্তু হতাশাগ্ৰস্তসকলক আশা, অকলশৰীয়ালোকক বিশ্বাস, ভগ্ন হৃদয়ক সান্ত্বনা দিয়া তথা সকলো বাধা সহজেই অতিক্ৰম কৰিব পৰা অধিক যত্নশীল পুৰুষ সৃষ্টি কৰাৰ বাবেহে প্ৰস্তুত কৰা হৈছে।
ইফালে, আন্তৰ্জাতিক পুৰুষ দিৱস পালনত সমৰ্থন দিয়াসকলে সমাজলৈ পুৰুষৰ মূল্যৱান অৱদানক স্বীকৃতি দিয়া আৰু স্মৰণ কৰাটো যে গুৰুত্বপূৰ্ণ, সেই বিষয়ে হয়তো আগতিয়াকৈ অনুমান কৰিব পাৰিছিল।
বৰ্তমান সময়ত আন্তৰ্জাতিক পুৰুষ দিৱসৰ গুৰুত্ব
পুৰুষসকলক সদায়ে প্ৰত্যাশিত আৰু শক্তিশালী বুলি ধাৰণা কৰা হয়।যাৰ ফলত সমাজে প্ৰায়ে তেওঁলোকৰ প্ৰতি সহানুভূতি প্ৰদৰ্শন নকৰে। সমাজখন তেওঁলোকৰ আভ্যন্তৰীণ সংগ্ৰামৰ প্ৰতি সম্পূৰ্ণৰূপে উদাসীন।পুৰুষৰ বাবে উৎসৰ্গিত এই দিৱস কেৱল উদযাপনৰ বাবে নহয়।
তেওঁলোকক এক ন্যায়সঙ্গত আৰু সুৰক্ষিত সমাজ গঢ়ি তোলাৰ বাবে প্ৰয়োজনীয় সামাজিক, সাংস্কৃতিক আৰু মানৱীয় মূল্যবোধৰ বিকাশ আৰু বিকাশৰ বাবে উৎসাহিত কৰাটোহে এই দিৱসৰ প্ৰকৃত উদ্দেশ্য হ’ব লাগে।
আজিৰ পৰিপ্ৰেক্ষিতত এই বিষয়টো আলোচনা কৰিবলৈ গ’লে বহু প্ৰত্যাহ্বানৰ সন্মুখীন হ’বলগীয়া হয়।বহু পৰিস্থিতিত পুৰুষৰ ‘অধিকাৰ’ বিশ্বজুৰি এক ডাঙৰ সামাজিক সমস্যা হৈ আছে। সেয়েহে পুৰুষৰ প্ৰতি উৎসৰ্গিত এটা নিৰ্দিষ্ট দিনৰ ধাৰণাটো কিছুমান ক্ষেত্ৰত আচৰিত যেন লাগিলেও কিন্তু বহু পুৰুষে তেওঁলোকৰ চাৰিওফালে থকা সকলক আদৰ কৰি, সন্মান সহকাৰে তেওঁলোক সৈতে সমাজৰ আদৰ্শ হৈ জীয়াই আছে।
আন্তৰ্জাতিক পুৰুষ দিৱসে পুৰুষৰ স্বাস্থ্যসম্পৰ্কীয় গুৰুত্বপূৰ্ণ বিষয়বোৰো উত্থাপন কৰে। হাৰ্ভাৰ্ড মেডিকেল স্কুলৰ হাৰ্ভাৰ্ড হেল্থ পাব্লিচিঙে প্ৰকাশ কৰা এক প্ৰতিবেদন অনুসৰি, মহিলাৰ তুলনাত পুৰুষসকল আগতেই বিভিন্ন ৰোগত আক্ৰান্ত হোৱা আৰু মৃত্যু হোৱাৰ সম্ভাৱনা অধিক।
২০১৮ চনত বিশ্ব স্বাস্থ্য সংস্থাই প্ৰকাশ কৰা মতে, ইউৰোপীয় অঞ্চলৰ ৮৬ শতাংশ পুৰুষৰ অসংক্ৰামক ৰোগ আৰু আঘাতৰ বাবে মৃত্যু হয়। কেৱল সেয়াই নহয়, বিশ্ব স্বাস্থ্য সংস্থাই অন্যান্য ৰোগ যেনে হৃদ ৰোগ, কেঞ্চাৰ, ডায়েবেটিচ আৰু শ্বাস-প্ৰশ্বাসজনিত ৰোগ পুৰুষৰ মৃত্যুৰ মুখ্য কাৰণ বুলিও উল্লেখ কৰিছে। বেছিভাগ পুৰুষেই তেওঁলোকে সন্মুখীন হোৱা স্বাস্থ্যজনিত সমস্যাবোৰ উপেক্ষা কৰাৰ বাবেই ৰোগত ভূগিবলগীয়া হয়।।
সেয়েহে আন্তৰ্জাতিক পুৰুষ দিৱস উদযাপনতে সীমাবদ্ধ নাথাকি পুৰুষসকলক নিজৰ স্বাস্থ্যক অগ্ৰাধিকাৰ দিবলৈও সজাগ কৰিব লাগে।
আন্তৰ্জাতিক পুৰুষ দিৱস সেই সকল পুৰুষৰ বাবে উৎসৰ্গিত, যিসকল পুৰুষে তেওঁলোকৰ প্ৰিয়জনৰ হিতৰ বাবে সকলো ত্যাগ কৰি আনৰ বাবে এক উদাহৰণ হৈ সমাজত জীয়াই আছে।
