নগাঁও বিশ্ববিদ্যালয়ত আন্তঃবিশ্ববিদ্যালয়-মহাবিদ্যালয়-২০২৬ সংগীত প্ৰতিযোগিতাৰ আয়োজন

ডিজিটেল সংবাদ, নগাঁও : নগাঁও বিশ্ববিদ্যালয়ৰ ছাত্ৰ একতা সভাৰ সংগীত বিভাগৰ উদ্যোগত অহা ২৪ জানুৱাৰী, ২০২৬ত আন্তঃবিশ্ববিদ্যালয়-মহাবিদ্যালয়ভিত্তিক এখনি সংগীত প্ৰতিযোগিতা আয়োজন কৰা হৈছে ৷ এই বৰ্ষৰ বাবে প্ৰতিযোগিতাৰ বিষয় হিচাপে ‘‘জুবিন সংগীত’’ নিৰ্বাচিত কৰা হৈছে ৷

এখন বিশ্ববিদ্যালয়/মহাবিদ্যালয়ৰ পৰা এজন প্ৰতিযোগীয়েহে অংশগ্ৰহণ কৰিব পাৰিব ৷ প্ৰতিযোগীসকলক আয়োজক সমিতিৰ তৰফৰ পৰা তবলা, পেড, কীব’ৰ্ড আৰু Accoustic গীটাৰ বাদ্যযন্ত্ৰীসহ প্ৰদান কৰা হ’ব ৷

ইচ্ছুক প্ৰতিযোগীয়ে নিজাববীয়াকৈ বাদ্যযন্ত্ৰ আৰু বাদ্যযন্ত্ৰী আনিব পাৰিব ৷ উক্ত চাৰিটা বাদ্যযন্ত্ৰৰ বাহিৰে আন কোনো বাদ্যযন্ত্ৰ ব্যৱহাৰ কৰিব নোৱাৰিব ৷ প্ৰতিযোগিতাত অংশগ্ৰহণ কৰিবৰ বাবে প্ৰতিযোগীসকলে শিক্ষানুষ্ঠানৰ মুৰব্বীৰ পৰা অনা প্ৰমাণ পত্ৰ জমা দিব লাগিব ৷

প্ৰতিযোগীসকলে আয়োজক সমিতিয়ে নিৰ্বাচিত কৰি দিয়া গীতহে পৰিৱেশন কৰিব পাৰিব ৷ প্ৰতিযোগিতাত গীতৰ স্থায়ী আৰু প্ৰথম অন্তৰাটোহে পৰিৱেশন কৰাৰ সুযোগ পাব ৷

প্ৰতিযোগিতাৰ পুৰস্কাৰসমূহ এনেধৰণৰ-

প্ৰথম পুৰস্কাৰ ৩৩,৩৩৩.০০ টকা, মানপত্ৰ আৰু ট্ৰফী

দ্বিতীয় পুৰস্কাৰ ২২,২২২.০০ টকা, মানপত্ৰ আৰু ট্ৰফী

তৃতীয় পুৰস্কাৰ ১১,১১১.০০ টকা, মানপত্ৰ আৰু ট্ৰফী ৷

লগতে চতুৰ্থ আৰু পঞ্চম স্থানৰ প্ৰতিযোগীক বিচাৰকৰ বিশেষ বঁটা হিচাপে ৫৫৫৫.০০ টকা আৰু মান পত্ৰ প্ৰদান কৰা হ’ব ৷ প্ৰতিযোগীসকলক যাতায়ত আৰু থকাৰ সুবিধা প্ৰদান কৰা নহ’ব ৷ প্ৰতিযোগীসকলে অহা ২০ জানুৱাৰীৰ ভিতৰত ৯৮৬৪৭৯০২৯৯, ৬০০১১৯১৭৩৭ নম্বৰত Whatsahp যোগে অংশগ্ৰহণ নিশ্চিত কৰিব লাগিব বুলি আয়োজক সমিতিয়ে জানিবলৈ দিছে ৷

২৪ জানুৱাৰী তাৰিখে পুৱা ৯.০০ বজাৰ পৰা প্ৰতিযোগিতা আৰম্ভ হ’ব ৷ বিচাৰকৰ সিদ্ধান্তই চূড়ান্ত বুলি বিবেচিত হ’ব ৷