শ্বিলঙত স্বামীক হত্যা কৰি গাজিপুৰৰ ধাবাত পৰকীয়া প্ৰেমিকৰ সৈতে মচগুল সোনম!

ডিজিটেল ডেস্কঃ ১৭দিনীয়া এখন নাটকৰ যৱনিকা পৰিল। এই নাটক ৰচনা কৰিছিল স্বামীহন্তা সোনম ৰঘুবংশীয়ে। হনিমুনৰ বাবে শ্বিলঙলৈ আহি স্বামীক ৩জন লোকৰ হতুৱাই হত্যা কৰি পলাই থকা সোনমক অৱশেষত গ্ৰেপ্তাৰ কৰিলে মেঘালয় আৰক্ষীয়ে। বিয়াৰ এমাহ নৌহওতেই কিয় স্বামীক এনে নৃশংসতাৰে হত্যা কৰিলে সোনমে, সেই প্ৰশ্ন এতিয়া প্ৰতিগৰাকী লোকৰ মনত উদয় হৈছে।

২০২৫ৰ ১১মেত ইন্দোৰত উলহ-মালহেৰে বিবাহ সম্পন্ন হৈছিল সোনম আৰু ৰাজা ৰঘুবংশীৰ। দুয়োটা পৰিয়াল আৰু দুয়োগৰাকীৰ মত সাপেক্ষেই এই বিয়া হৈছিল। ইয়াৰ পিছতে ২২মে, ২০২৫ত তেওলোক আহিছিল শ্বিলঙলৈ। শ্বিলঙৰ এটা হোম ষ্টেত আছিল দুয়ো। 

ইয়াৰ পিছতে ২৩মে, ২০২৫ত চেৰাপুঞ্জীৰ সমীপৰ নৌগ্ৰীট গাৱলৈ ৰাওনা হৈছিল দুয়ো। এখন স্কুটীৰে দুয়ো ৰাওনা হৈছিল উক্ত স্থানলৈ। তাৰ পিছতে সন্ধানহীন হৈ আছিল দুয়ো। চেৰাপুঞ্জীৰ দ খাৱৈতে উদ্ধাৰ হৈছিল সোনমৰ জাকেটটো। জাকেটত আৰক্ষীয়ে প্ৰত্যক্ষ কৰিছিল তেজৰ দাগ। তাৰ পিছতে মেঘালয় আৰক্ষীৰ মনত সন্দেহ উপজিছিল।