Advertisment

ইণ্ডোনেছিয়াই ক্ৰয় কৰিব ভাৰতত নিৰ্মিত ব্ৰহ্মচ মিছাইল...

ভাৰতৰ প্ৰতিৰক্ষা উৎপাদন খণ্ডক এক বৃহৎ গতি প্ৰদান কৰিব পৰা চুক্তিত বিশ্বৰ সৰ্ববৃহৎ মুছলমান ৰাষ্ট্ৰ ইণ্ডোনেছিয়াই ভাৰতৰ উপকূলীয় আৰু সামুদ্ৰিক প্ৰতিৰক্ষা ক্ষমতা বৃদ্ধিৰ বাবে ভাৰতৰ থলুৱাভাৱে নিৰ্মিত ব্ৰহ্মচ মিছাইল ক্ৰয় কৰাৰ চিন্তা-চৰ্চা কৰিছে।

author-image
Asomiya Pratidin
New Update
0

ডিজিটেল ডেস্কঃ ভাৰতৰ প্ৰতিৰক্ষা উৎপাদন খণ্ডক এক বৃহৎ গতি প্ৰদান কৰিব পৰা চুক্তিত বিশ্বৰ সৰ্ববৃহৎ মুছলমান ৰাষ্ট্ৰ ইণ্ডোনেছিয়াই ভাৰতৰ উপকূলীয় আৰু সামুদ্ৰিক প্ৰতিৰক্ষা ক্ষমতা বৃদ্ধিৰ বাবে ভাৰতৰ থলুৱাভাৱে নিৰ্মিত ব্ৰহ্মচ মিছাইল ক্ৰয় কৰাৰ চিন্তা-চৰ্চা কৰিছে। খবৰ অনুসৰি ভাৰত আৰু ইণ্ডোনেছিয়াই ৪৫০ মিলিয়ন ডলাৰৰ ব্ৰাম’ছ মিছাইল চুক্তিৰ সন্দৰ্ভত কাম কৰি আছে। নতুন দিল্লীয়েও ষ্টেট বেংক অৱ ইণ্ডিয়া বা আন আন ৰাষ্ট্ৰীয় বেংকৰ পৰা ঋণ লোৱাৰ সুবিধা প্ৰদান কৰাৰ প্ৰস্তাৱ দিছে।

Advertisment

শেহতীয়াকৈ ভাৰতীয় নৌসেনাৰ মুৰব্বী এডমিৰেল দীনেশ কুমাৰ ত্ৰিপাঠীৰ ইণ্ডোনেছিয়া ভ্ৰমণৰ সময়ত এই চুক্তিৰ বিষয়ে আলোচনা কৰা হৈছিল আৰু ২৬ জানুৱাৰীত ইণ্ডোনেছিয়াৰ ৰাষ্ট্ৰপতি প্ৰবোৱ চুবিয়ানটোৱে নতুন দিল্লীত গণৰাজ্য দিৱস উদযাপনত অংশগ্ৰহণ কৰিবলৈ দেশখন ভ্ৰমণ কৰাৰ সময়ত পুনৰ এই চুক্তি গ্ৰহণ কৰাৰ সম্ভাৱনা আছে, য’ত তেওঁ মুখ্য অতিথি হিচাপে এংশগ্ৰহণ কৰিব ।


প্ৰতিবেদন অনুসৰি ইণ্ডোনেছিয়াৰ প্ৰতিৰক্ষা মন্ত্ৰালয়ে তেওঁলোকৰ ভাৰতীয় সমকক্ষসকললৈ আনুষ্ঠানিক পত্ৰ প্ৰেৰণ কৰি ৪৫০ মিলিয়ন ডলাৰৰ এই চুক্তিক লৈ আগ্ৰহ প্ৰকাশ কৰিছে ।  যাৰ ফলত ইণ্ডোনেছিয়া ফিলিপাইনছৰ পিছত ভাৰতীয় ব্ৰহ্মচ মিছাইল ক্ষেপণাস্ত্ৰ ব্যৱস্থা অধিগ্ৰহণ কৰা এছিয়াৰ দ্বিতীয়খন দেশ হিচাপে পৰিগণিত হ’ব।

উল্লেখযোগ্য যে ভাৰতৰ প্ৰথমটো বৃহৎ প্ৰতিৰক্ষা ৰপ্তানি চুক্তিত ফিলিপাইনছে ২০২২ চনৰ জানুৱাৰী মাহত নতুন দিল্লীৰ সৈতে ৩৭৫ মিলিয়ন ডলাৰৰ চুক্তিত স্বাক্ষৰ কৰি ব্ৰমছ মিছাইলৰ সাগৰৰ পৰা পৃষ্ঠলৈ ভেৰিয়েণ্টৰ তিনিটা বেটাৰী অধিগ্ৰহণ কৰিছিল। ইয়াৰ উপৰিও ভাৰত আৰু ভিয়েটনামে ব্ৰাহমছ ক্ষেপণাস্ত্ৰৰ বাবে ৭০ কোটি ডলাৰৰ চুক্তি চূড়ান্ত কৰাৰ ওচৰ চাপিছে।

ফিলিপাইনছ