৭০শতাংশ ৰপ্তানি বৃদ্ধি! ব্ৰিটেইনলৈ যাব ভাৰতৰ সাগৰীয় খাদ্য...

ডিজিটেল ডেস্কঃ ৰপ্তানিৰ ক্ষেত্ৰত ভাৰতে প্ৰতিটো দিনতে উল্লেখযোগ্য কাৰ্যপন্থা গ্ৰহণ কৰি আহিছে। শেহতীয়াকৈ ভাৰতৰ সাগৰীয় খাদ্য উদ্যোগে CETA ৰ অধীনত ব্ৰিটেইনলৈ ৭০% ৰপ্তানি বৃদ্ধিৰ আশা কৰিছে। প্ৰধানমন্ত্ৰী মোডীৰ ব্ৰিটেইন ভ্ৰমণৰ সময়ত স্বাক্ষৰিত এফ টি এৰ অধীনত এই ৰপ্তানি বৃদ্ধিৰ পৰিকল্পনা কৰা হৈছে।

প্ৰধানমন্ত্ৰী নৰেন্দ্ৰ মোদীয়ে ব্ৰিটেইন ভ্ৰমণ কৰাৰ সময়তে এই স্বাক্ষৰ কৰা হৈছিল। ২০১৪ চনত কাৰ্যভাৰ গ্ৰহণ কৰাৰ পিছত তেওঁৰ চতুৰ্থটো ভ্ৰমণৰ সময়ত এই চুক্তি স্বাক্ষৰ হৈছিল।  ব্ৰিটেইনৰ সৈতে হোৱা এফটিএৰ ফলত ৰত্ন, গহনা, বস্ত্ৰশিল্প, সাগৰীয় সামগ্ৰী, চামৰা, জোতা, ক্ৰীড়া সামগ্ৰী আৰু খেলনা আদিৰ ৰপ্তানি বৃদ্ধি পাব বুলি আশা কৰা হৈছে।

বাণিজ্য মন্ত্ৰালয়ৰ এক বিবৃতি অনুসৰি অভিযান্ত্ৰিক সামগ্ৰী, অটো পাৰ্টছ আৰু ইঞ্জিন আৰু জৈৱিক ৰাসায়নিক পদাৰ্থৰ দৰে অন্যান্য গুৰুত্বপূৰ্ণ ৰপ্তানিও বৃদ্ধি পোৱাৰ সম্ভাৱনা আছে।  ডিডি নিউজৰ প্ৰতিবেদনত লগতে কোৱা হৈছে যে এই চুক্তিয়ে ৯৯% শুল্ক লাইনত শূন্য শুল্ক প্ৰৱেশৰ সুবিধা প্ৰদান কৰিছে, যাৰ ফলত ব্ৰিটেইনৰ বজাৰত ভাৰতীয় সাগৰীয় খাদ্যৰ প্ৰতিযোগিতামূলক ক্ষমতা যথেষ্ট উন্নত হৈছে।